सभागृहात मोबाईलवर रमी गेम खेळणाऱ्या माणिकराव कोकाटेंना अखेर दणका मिळालाय. त्यांच्याकडचं कृषी खातं काढून त्यांना युवक कल्याण व क्रीडा मंत्रिपद देण्यात आलंय. मात्र यावेळी मुख्यमंत्री देवेंद्र फडणवीसांनी वाचाळ आणि वादग्रस्त मंत्र्यांना थेट इशारा दिलाय....

विधीमंडळाच्या पावसाळी अधिवेशनात शिंदे सेना आणि अजित पवारांच्या राष्ट्रवादीच्या मंत्र्यामुळे महायुतीची कोंडी झाली होती. तर विरोधकांनी थेट राज्यपालांची भेट घेत वादात अडकलेल्या महायुतीच्या मंत्र्यांच्या राजीनाम्याची मागणी केलीय. मात्र मुख्यमंत्री फडणवीसांनी कोकाटेंचं खातेबदल करत शिंदे सेना आणि अजित पवारांच्या वादग्रस्त मंत्र्यांचं टेन्शन वाढवलंय...

- सावली बार प्रकरणी गृहराज्यमंत्री योगेश कदम अडचणीत

- घरातील पैशांच्या बॅगमुळे सामाजिक न्याय मंत्री शिरसाट टेन्शनमध्ये

- वादग्रस्त वक्तव्यांमुळे मंत्री नितेश राणे अडचणीत

- हनी ट्रॅप प्रकरणी मंत्री गिरीश महाजनांवर आरोप

- पैसे घेऊन बदली केल्याचा संजय राठोड यांच्यावर आरोप

- वादग्रस्त वक्तव्य आणि रमी प्रकरणी कोकाटेंच्या राजीनाम्याची मागणी

स्थानिक स्वराज्य संस्थांची निवडणूक तोंडावर आहे.. त्यापार्श्वभुमीवर मंत्र्यांची विकेट पडली तर लोकांमध्ये महायुतीबद्दल नकारात्मक संदेश जाण्याची शक्यता आहे... त्यामुळेच कोकाटेंचं डिमोशन करुन फडणवीसांनी एकाच दगडात दोन पक्षी मारल्याची चर्चा आहे... मात्र फडणवीसांच्या इशाऱ्यानंतर मंत्री वठणीवर येणार की आपली वाचाळगिरी सुरुच ठेवणार? याकडे राज्याचं लक्ष लागलंय...