अभिजित सोनावणे

नाशिक: 10 हजार रुपयांसाठी 30 वर्षीय तरुणाने आत्महत्या केल्याची घटना घडली आहे. नाशिकच्या (Nashik) सातपूर भागातील अशोक नगर परिसरात ही धक्कादायक घटना घडली आहे. (Nashik Crime News In Marathi)

संबंधित तरुणाला खाजगी सावकाराला महिन्याचे पैसे देण्यास उशीर झाला म्हणून सावकाराने त्याची दुचाकी घेऊन गेल्याने तरुणाने गळफास घेऊन जीवन संपवलं आहे. मयत मुलाच्या आई आणि भावाच्या तक्रारीवरून खाजगी सावकाराविरोधात आत्महत्येस प्रवृत्त केल्याचा गुन्हा दाखल झाला आहे. सातपूर पोलीस ठाण्यात गुन्ह्याची नोंद करण्यात आली आहे.

हे देखील पहा-

निलेश बाळासाहेब सोनवणे असं आत्महत्या केलेल्या युवकाचं नाव आहे. निखिल भावले असं खाजगी सावकार संशयितांचं नाव आहे. तर, पोलिसांकडून संशयिताचा शोध सुरू आहे.