- विनायक वंजारे

Sindhudurg News : टेस्ला कंपनी जर भारतात येत असेल तर बारसुला जागा देऊन टाका, उत्तम जागा आहे. आम्ही स्वागत करू या खासदार संजय राऊत यांच्या वक्तव्यावर शालेय शिक्षण मंत्री दीपक केसरकर यांनी संजय राऊत लोकांना कन्फ्युज करतात असा टाेला हाणला. ते सावंतवाडीत माध्यमांशी बाेलत हाेते.  (Maharashtra News)

शासन आपल्या दारी योजनेचा शुभारंभ करण्यासाठी राज्याचे मुख्यमंत्री एकनाथ शिंदे (cm eknath shinde) हे ३० मे राेजी सिंधुदुर्ग (sindhudurg) जिल्ह्यातील सावंतवाडीत (sawantwadi) येणार असल्याची माहिती शालेय शिक्षण मंत्री दीपक केसरकर यांनी दिली आहे. सावंतवाडी शहरात नव्याने उभारण्यात येणाऱ्या संत गाडगेबाबा भाजी मंडईच्या भूमिपूजन तसेच अन्य विकासकामांची भूमिपूजनेही मुख्यमंत्री करणार असल्याची माहिती सावंतवाडीत आयाेजिलेल्या पत्रकार परिषदेत केसरकर यांनी दिली.

दरम्यान टेस्ला कंपनी जर भारतात येत असेल तर बारसुला जागा देऊन टाका या संजय राऊत यांच्या वक्तव्यावर दीपक केसरकर म्हणाले संजय राऊत लोकांना कन्फ्युज करतात. टेस्ला कंपनीचा आणि बारसूच्या जागेचा सबंध काय ? एवढ्या मोठ्या जागेच टेस्ला कंपनी करणार काय असा सवाल केसरकर यांनी संजय राऊतांना केला.

बारसू मध्ये रिफायनरी आली तर नावाशिवा बंदरा प्रमाणे कोकणातील बंदर विकसित होतील. लाखो युवकांना रोजगार उपलब्ध होईल. बारसूत रिफायनरी (Barsu Refinery Project) व्हावी यासाठी तुम्हीच मागणी करता आणि रिफायनरी आली की विरोध करता असा टोलाही केसरकर यांनी उद्धव ठाकरे (uddhav thackeray) यांचे नाव न घेतला लगावला.

Edited By : Siddharth Latkar