Pune News : रायगडच्या खालापूरमधील इर्शाळवाडी दरड दुर्घटना ताजी असताना पुण्यातील भिमाशंकर येथेही तशीची काहीची परिस्थिती निर्माण झाली आहे. भिमाशंकरच्या डोंगर कड्यावरील पदरवाडी येथील डोंगराला भेगा पडल्या आहेत.

डोंगर कड्याला ३०० मीटरपर्यंत भेगा पडल्या आहेत. यामुळे पदरवाडी गावच्या १५ कुटुंबातील ८० जणांचा जीव टांगणीला लागला आहे. १०० हून आधिक जनावरांचे वास्तव्य येथे धोक्यात आले आहे. (Live Marathi News)

भिमाशंकर पदरवाडी परिसरात मुसळधार पाऊस सुरु असल्याने डोंगर कडा कोसळण्याचा मोठा धोका निर्माण झाला आहे. परिस्थितीचं गांभीर्य लक्षात घेत अप्पर तहसीलदार नेहा शिंदे यांनी घटनास्थळी पाहणी केली आहे. (Pune News)

सध्या सुरु असलेल्या मुसळधार पाऊस आणि धुके यामुळे या परिसरात मदतकार्याची परिस्थिती अवघड आहे. यामुळे पदरवाडीचे तात्काळ पुनर्वसन करण्याची मागणी आता केली जात आहे.