नागपूर- जिल्ह्यात दिवसा सर्जा-राजाची शर्यत आणि रात्र होताच बंद शामियानात ‘न्यूड डान्स’ सुरु असल्याची धक्कदायक माहिती समोर आली आहे. नागपूर (Nagpur) जिल्ह्यात बीभत्सपणाचा कळस गाठणारा प्रकार उमरेड तालुक्यात बघावयास मिळत आहे. रात्रीच्या अंधारात हा किळसवाणा खेळ शेकडो तरुणाईच्या उपस्थितीत सर्जा राजाच्या नावाखाली सुरू असल्याची माहिती आहे. (Nagpur Latest Cirme News)

हे देखील पहा -

कुही तालुक्यातील काही गावांमध्ये 'डान्स हंगामा' अशी जाहिरातबाजीची पत्रके भिंतीवर लावण्यात आली आहेत. कुही तालुक्यातील मुसळगाव, भुगाव आणि सिल्ली तर उमरेड तालुक्यातील ब्राम्हणी या गावांमध्ये हा डान्स हंगामाचे आयोजन करण्यात आले होते. मात्र, या डान्स हंगामाच्या नावावर तरुण तरुणीचा विवस्त्र डान्स सुरु होता. इतकेच नाही तर या 100 रुपयांमध्ये डान्स बघण्यासाठी तरुणांची मोठी गर्दी या ठिकाणी झाली होती.

बाम्हणी येथील ‘न्यूड डान्स’चे व्हिडीओ आपल्या मोबाईलमध्ये कैद केले. यामध्ये दोन तरुण आणि तरुणी अत्यंत लाजिरवाण्या अवस्थेत दिसून येत आहेत. अंगावर केवळ अंतर्वस्त्र परिधान केलेल्या दोन तरुणींचा मंचावरील डान्स आणि त्यांच्या सोबत दोन तरुण असा हा डान्सचा व्हिडीओ सोशल मीडियावर व्हायरल झाला आहे. या न्यूड डान्सचे व्हिडीओ व्हायरल होताच, आता काही गावांमधील पूर्वनियोजित कार्यक्रम रद्द करण्यात आले आहे.