अमर घाटरे

अमरावती: अमरावती जिल्ह्यातील (Amravati District) अचलपूर येथे रविवारी रात्री दोन गटांमध्ये झेंडा काढण्याच्या वादावरून दंगल झाली होती त्याच पार्श्वभूमीवर संचारबंदी लावण्यात आली होती. आज चौथ्या दिवशी अचलपूर येथील संचारबंदी कायम ठेवण्यात आली, तर आज परतवाडा, देवमाळी व कांडली या ठिकाणची संचारबंदी दुपारी 12 ते रात्री 9 वाजेपर्यंत शिथील करण्यात आली असून अचलपूर येथील संचारबंदी पुढील आदेशापर्यंत कायम ठेवण्यात आल्याची माहिती उपविभागीय अधिकारी संदीप कुमार अपार यांनी दिली, तर इतर ठिकाणची संचारबंदी उठवण्यात आल्याने नागरिकांना दिलासा मिळाला असून हळूहळू जनजीवन पूर्वपदावर येत आहे.

संचार बंदी मध्ये पुन्हा 4 तासाची शिथिलता देण्यात आली आहे. अचलपूर, परतवाडा येथे संचार बंदीमध्ये आज सायंकाळी 5 ते रात्री 9 पर्यंत शिथिलता देण्यात आली आहे. चौथ्या दिवशी ही संचार बंदी सुरूच आहे. आज दिवसभरात 10 तासाची शिथिलता देण्यात आली आहे. अचलपूर SDO संदीप कुमार अपार यांनी आदेश काढला आहे. २ गटात हाणामारी झाल्या नंतर अचलपूर परतवाडा येथे संचारबंदी लावण्यात आली होती.

Edited By: Pravin Dhamale