वंचित आणि काँग्रेस आघाडीतील दररोज नवनव्या गोष्टी समोर येत आहेत..... त्यातच आता ज्या 16 जागांवर वंचितने उमेदवार दिले नाहीत.... त्या जागांवर काँग्रेस थेट ठाकरेंना मदत करणार असल्याची माहिती सुत्रांनी दिलीय.. काँग्रेसची रणनीती नेमकी काय असणार आहे..

काँग्रेस आणि वंचितचे उमेदवार नसलेल्या जागांवर अपक्षांना पाठींबा

काँग्रेस विचाराचा अपक्ष नसल्यास ठाकरेंना पाठींबा देण्याची चर्चा

भाजपविरोधी मतांचं विभाजन टाळण्यासाठी रणनीती

दलित, मुस्लीम मतांच्या माध्यमातून ठाकरेंना सहकार्य

खरंतर काँग्रेसनं वंचितला 62 जागा दिल्या होत्या.. मात्र वंचितनं ऐनवेळी 62 पैकी 21 जागा काँग्रेसला परत केल्या आहेत... त्यामुळे 21 पैकी काँग्रेसनं 5 जागांवर उमेदवार दिले... मात्र उर्वरित 16 जागांवर काँग्रेस आणि वंचितचे उमेदवार नसल्यानं भाजप आणि शिंदेसेनेचा मार्ग मोकळा झाला... मात्र आता याच जागांवर भाजपचा विजय होऊ नये यासाठी काँग्रेसनं थेट ठाकरेसेनेला मदत करण्याच्या हालचाली सुरु केल्या आहेत... तर या निर्णयावर काँग्रेसच्या बैठकीत शिक्कामोर्तब होणार आहे....

मुंबईत दहिसर, बोरीवली, कांदिवली, मालाड, अंधेरी, वांद्रे, दादर, सायन, कुर्ला, मानखुर्द या भागात काँग्रेसची पारंपरिक मतं आहेत..

मात्र त्यानंतरही या जागा काँग्रेसनं आघाडीत वंचितला सोडल्या.. मात्र या जागांवर वंचितनेही उमेदवार दिलेच नाहीत... आता या जागांवर भाजपचा विजय होऊ नये, आणि काँग्रेस कार्यकर्त्यांमध्ये चुकीचा संदेश जाऊ नये, यासाठी ठाकरेसेनेला मदत केली जाण्याची शक्यता आहे... मात्र काँग्रेसने 16 जागांवर ठाकरेंना बुस्टर मिळाल्यास मुंबई महापालिकेच्या सत्तेचं समीकरण साधण्याचा मार्ग ठाकरेंसाठी मोकळा होईल...