Nana Patole News: मुख्यमंत्री एकनाथ शिंदे 9 एप्रिलला अयोध्येला जाणार असून प्रभू रामचंद्रांचे दर्शन घेणार आहेत. या दरम्यान मुख्यमंत्री एकनाथ शिंदे उत्तर प्रदेशचे मुख्यमंत्री योगी आदित्यनाथ यांची देखील भेट घेणार आहेत. मुख्यमंत्री एकनाथ शिंदे यांच्या अयोध्या दौऱ्यावर काँग्रेसचे प्रदेशाध्यक्ष नाना पटोले यांनी पहिली प्रतिक्रिया दिली आहे. 'राम दैवत असून मी सुद्धा अयोध्येला जाणार आहे, असे नाना पटोले यांनी जाहीर केले. (Latest Marathi News)

नाना पटोले म्हणाले, राम आपले दैवत आहेत. मी सुद्धा अयोध्येला जाणार आहे. आम्ही देखील रामनवमी आणि हनुमान जयंती साजरी केली. अयोध्येला जाण्यात काही गैर नाही'. हिंदुत्ववादी राजकारणावर भाष्य करताना म्हणाले, 'आम्हाला शिवाजी महाराजांचे हिंदुत्व मान्य आहे. सर्वसमावेशक हिंदुत्व आम्हाला मान्य आहे'.

मुख्यमंत्र्याच्या पाहुणचारावर भाष्य करताना पटोले म्हणाले, राज्यातील सरकार बिनडोक्याने काम करीत आहे. सरकार स्वतःसाठी जगत आहे. शेतकाऱ्यांना द्यायला पैसे नसताना 1 हजार कोटींची जाहिराती दिल्या आहेत. जनतेचे काही देने घेणे नाही. गॅसच्या किमती कमी केल्या नाही,स्वतःसाठी जगणारी भाजपची सरकार आहे. स्वतःसाठी जगणारं भाजपचं (BJP) सरकार आहे'.

काँग्रेसच्या सभेवर भाष्य करताना पटोले म्हणाले, काँग्रेसच्या सभांची सुरवात नागपुरातून होणार आहे. 6 सभा होणार आहे. राहुल गांधी, प्रियांका आणि खरगे हे या सभा घेणार आहेत. याबाबत 10 तारखेला ठाण्यात मिटिंग घेण्यात येणार आहे'.

' पहिली सभा या महिन्याच्या शेवटला होण्याची शक्यता आहे. महाविकास आघाडीची सभा नसून काँग्रेसची सभा राहणार आहे.नागपूरच्या महाविकास आघाडीची सभा ज्या जागेवर होत आहे, त्या जागेबाबत आम्ही विचार करतोय, आज बैठक आहे', असेही पटोले म्हणाले.

पुण्यातील लोकसभा पोटनिवडणुकीवर भाष्य करताना पटोले म्हणाले, 'अजून कुठल्याही पक्षाकडून उमेदवार जाहीर करण्यात आला नाही. भाजप पुण्यात निवडणूक लावेल की नाही याबाबत शंका आहे'.