अक्षय गवळी, साम टीव्ही, अकोला प्रतिनिधी

अकोल्यातून एक मोठी बातमी समोर आली आहे. अकोल्यात एका कार्यकर्त्यानं काँग्रेस प्रदेशाध्यक्ष नाना पटोले यांचे पाय धुतले आहेत. कार्यकर्त्यांकडून पाय धुण्याच्या कृतीमूळे मोठा वाद निर्माण होण्याची शक्यता आहे.

काँग्रेस प्रदेशाध्यक्ष नाना पटोले अकोला जिल्ह्यातील वाडेगाव इथं एका कार्यक्रमासाठी आले होते. त्यानंतर त्यांनी संत गजानन महाराजांच्या पालखीचं दर्शन घेतलं. यावेळी त्यांचे पाय चिखलानं माखले. एका कार्यकर्त्यानं त्यांचे पाय धुतले.

मिळाली माहितीनुसार, नाना पटोले आज अकोला जिल्ह्यातील वाडेगाव येथे एका कार्यक्रमासाठी आले होते. या कार्यक्रमानंतर नाना पटोले यांनी वाडेगावात मुक्कामी असलेल्या संत गजानन महाराजांच्या पालखीचे दर्शन घेतलंय. यावेळी पालखी दर्शनासाठी थांबलेल्या नानासाहेब चिंचोळकर विद्यालयाच्या मैदानावर पावसामुळे मोठा चिखल झाला होता.

प्रदेशाध्यक्ष नाना पटोले यांनी चिखलातून मार्ग काढत त्यावेळी संत गजानन महाराजांचे दर्शन घेतले. मात्र दर्शनानंतर आपल्या गाडी जवळ आलेल्या नाना पटोले यांचे चिखलाने माखलेले पाय एका कार्यकर्त्यानं धुतलेय.

विजय गुरव, असा या काँग्रेस कार्यकर्त्याचं नाव असून तो बुलढाणा जिल्ह्यातील शेगाव येथील रहिवासी आहे. नाना पटोले यांनी कार्यकर्त्यांकडून पाय धुण्याचे आकृतीमूळे मोठा वाद निर्माण होण्याची शक्यता आहे.