Sambhaji Bhide News: संभाजी भिडे यांनी राष्ट्रपिता महात्मा गांधी यांच्याबद्दल अत्यंत निंदाजनक असे वक्तव्य केले आहे. त्यामुळेसंभाजी भिडे यांना अटक करा, अशी मागणी करीत काँग्रेस पक्ष हा रस्त्यावर उतरल्याचे पाहावयास मिळत आहे. यामध्ये बुलढाणा जिल्ह्यातील शेगावात महाराष्ट्र प्रदेश काँग्रेस कमिटीचे सचिव रामविजय बुरुंगले यांच्या नेतृत्वात शेगाव येथील छत्रपती शिवाजी महाराज चौकात निषेध आंदोलन पार पडले. (Latest Marathi News)

महात्मा गांधी यांच्या विरोधात आक्षेपार्ह विधान करणाऱ्या संभाजी भिडे विरोधात आज काँग्रेसने बुलढाणा जिल्ह्यात आंदोलनाला सुरुवात केली आहे. सातत्याने महापुरुषांबद्दल अपशब्द वापरणाऱ्या संभाजी भिडे यांना सरकार वाचवत असल्याचा आरोप काँग्रेसकडून करण्यात येत आहे.

महात्मा गांधी यांच्याबद्दल खोटी माहिती पसरवत महात्मा गांधींचा अपमान करणाऱ्या संभाजी भिडेंवर तात्काळ गुन्हा दाखल करून अटकेची कारवाई करावी अशी मागणी काँग्रेसकडून आता केली जात आहे. बुलढाणा जिल्ह्यात ठीक ठिकाणी काँग्रेसकडून संभाजी भिडे यांच्या निषेधार्थ आंदोलन केले जात आहे.

सरकारने तात्काळ महात्मा गांधींचा अपमान करणाऱ्या, महात्मा गांधी यांच्या विरोधात आक्षेपार्ह विधान करणाऱ्या संभाजी भिडेंवर कारवाई करून तात्काळ त्यांना अटक करावी अशी मागणी काँग्रेस करताना पाहायला मिळत आहे. शेगावात महाराष्ट्र प्रदेश काँग्रेस कमिटीचे सचिव रामविजय बुरुंगले यांच्या नेतृत्वात छत्रपती शिवाजी महाराज चौकात निषेध आंदोलन पार पडले.