सांगली : महाविकास आघाडीला लागलेली गळती सुरु आहे. महाविकास आघाडीतील काँग्रेसला पुन्हा एकदा मोठा धक्का बसला आहे. सांगलीतील काँग्रेसचे पृथ्वीराज पाटील यांचा भाजप प्रवेश निश्चित झाला आहे. पृथ्वीराज पाटील यांच्या भाजप प्रवेशाने विश्वजीत कदम यांना तगडा झटका बसणार आहे.

आगामी निवडणुकीच्या तोंडावर काँग्रेसला मोठा धक्का बसला आहे. सांगलीतील निश्चित.. विश्वजीत कदम यांचे कट्टर समर्थक आणि काँग्रेसचे विधानसभा उमेदवार कॉंग्रेसचे पृथ्वीराज पाटील यांचा भाजप प्रवेश निश्चित झाला. मुख्यमंत्री देवेंद्र फडणवीस यांच्या उपस्थितीत बुधवारी किंवा गुरुवारी पक्ष प्रवेश होणार आहे.

मंत्री चंद्रकांत पाटील यांनी जाहीर केलं आहे. प्रदेशाध्यक्ष रवींद्र चव्हाण, चंद्रकांत पाटील, विजयकुमार गोरे यांच्या उपस्थितीत बंद खोलीत पृथ्वीराज पाटील यांच्याशी चर्चा झाली होती. पृथ्वीराज पाटील यांच्या पक्षप्रवेशामुळे सांगलीतील राजकीय समीकरण बदलणार आहे.

काही दिवसांपूर्वी सांगली जिल्हा काँग्रेस अध्यक्ष पृथ्वीराज पाटील यांच्या घरी भाजपचे प्रदेशाध्यक्ष रवींद्र चव्हाण, पालकमंत्री चंद्रकांत पाटील, ग्राम विकास मंत्री जयकुमार गोरे यांच्यासहित भाजपचे दिग्गज नेते त्यांच्या घरी भोजनासाठी आले होते. पृथ्वीराज पाटील यांच्या घरी भाजपच्या दिग्गज नेत्यांच्या डिनर डिप्लोमेसीची जिल्ह्यात जोरदार चर्चा झाली.

यावेळी बंद खोलीत पृथ्वीराज पाटील यांच्या भाजप प्रवेशाची चर्चा झाली. या भेटीत पृथ्वीराज पाटील यांचा भाजप प्रवेश निश्चित झाल्याची माहिती मिळत आहे. पृथ्वीराज पाटील यांच्या भाजप प्रवेशाने विश्वजीत कदम आणि विशाल पाटील यांना जोरदार धक्का बसण्याची शक्यता आहे.

काही दिवसांपूर्वी काँग्रेसच्या महिला नेत्या जयश्री पाटील यांनीही काही दिवसांपूर्वी भाजपमध्ये प्रवेश केला. त्यानंतर आता पृथ्वीराज पाटील यांचा भाजप प्रवेश निश्चित झाला आहे. त्यामुळे पृथ्वीराज पाटील यांच्या रुपाने सांगलीत काँग्रेसला दुसरा धक्का बसला आहे.