- संजय राठोड

यवतमाळ : यवतमाळ (yavatmal) पालिकेचे मुख्याधिकारी माधुरी मडावी यांची बदली थांबविण्यासाठी सामाजिक, राजकीय संघटनांनी आज यवतमाळ शहर बंद ठेवण्याचे आवाहन केले आहे. हे आवाहन समाज माध्यमातून (social media) करण्यात आले आहे. या बंदला सर्व शहरवासियांनी पाठींबा द्यावा असे आवाहन देखील करण्यात आले आहे. (Yavatmal Latest Marathi News)

यवतमाळ पालिकेच्या मुख्याधिकारी मडावी यांची मंगळवारी सायंकाळी बदली झाल्याचा आदेश धडकला. यामुळे विविध संस्था, संघटनांसह सामाजिक कार्यकर्ते आक्रमक झाले. मडावी यांची बदल थांबवावी यासाठी रात्री उशिरापर्यंत पालिकेसमोर काहींनी ठिय्या मांडला.

मडावी यांची बदली नियमबाह्य असल्याचा म्हणणे आंदाेलकांचे आहे. दरम्यान आज विविध संघटनांनी यवतमाळ शहर बंदची हाक दिली आहे. समाज माध्यमांवर तशा पोस्ट व्हायरल झाल्या आणि होताहेत. आज सकाळी अकरा वाजता संविधान चौकात नागरिकांनी एकत्र यावे असे आवाहन देखील पोस्टमधून करण्यात आले आहे.

Edited By : Siddharth Latkar