वैदेही काणेकर, साम प्रतिनिधी

महाराष्ट्र नवनिर्माण सेनेचे प्रमुख राज ठाकरे यांच्या भेटीनंतर मुख्यमंत्री शिंदेंनी शरद पवार यांची भेट घेतली. त्यामुळे राजकारणात मोठी खळबळ उडाली होती. मुख्यमंत्री एकनाथ शिंदे आणि शरद पवार यांच्यात अर्धा तास चर्चा झाली. मुख्यमंत्री आणि पवार यांच्या बैठकीत विविध विषयांवर चर्चा झाली.

दोन्ही नेत्यांमध्ये जवळपास अर्धा बैठक झाली. यात मराठा आरक्षणाबाबत चर्चा झाल्याचं सांगितलं जात आहे. आरक्षणासंदर्भात सर्वपक्षीय बैठक बाकी आहे, त्याबाबत मुख्यमंत्री आणि शरद पवार यांच्यात सकारात्मक चर्चा झाली. येणाऱ्या काही दिवसातच सर्वपक्षीय बैठक पार पडू शकते, अशी माहिती सुत्रांनी दिलीय. तसेच या बैठकीत अनेक विकासकामे ,पुण्याची पूर परिस्थिती, शेतकरी यांचे प्रश्न अशा अनेक गोष्टींवर चर्चा झाली.

आज आधी मुख्यमंत्री एकनाथ शिंदे यांची आणि मनसे अध्यक्ष राज ठाकरे यांची वर्षा बंगल्यावर बैठक झाली. त्यांच्या भेटीत मुंबईतील बीडीडी चाळ पुनर्विकास, पोलीस वसाहतींचा पुनर्विकास, घरांची उपलब्धता यासह आधी विषयावर चर्चा झाली. राज ठाकरे यांची भेट झाल्यानंतर वर्षा बंगल्यावर राष्ट्रवादी शरदचंद्र पवार पक्षाचे अध्यक्ष शरद पवार यांनी मुख्यमंत्री एकनाथ शिंदे यांची भेटी घेतली.