आमदार प्रशांत बंब यांच्या सभेमध्ये राडा झाल्याची धटना समोर आली आहे. प्रशांत बंब यांना प्रश्न विचारणाऱ्या व्यक्तीला मारहाण करत त्याला सभेतून बाहेर काढण्यात आले आहेत. या सभेतील राड्याचा व्हिडीओ सध्या सोशल मीडियावर व्हायरल होत आहे. छत्रपती संभाजीनगर जिल्ह्यातील गंगापूर मतदारसंघामध्ये प्रशांत बंब हे प्रचारासाठी गेले होते. गवळीशिवरा येथे त्यांची सभा पार पडली. या सभेदरम्यान काही सामान्य नागरिकांनी त्यांना विकासाबद्दल प्रश्न विचारले.

'तुम्ही १५ वर्षांत काय केले? असा प्रश्न त्यांना विचारण्यात आला. त्यांनी त्या सामान्य नागरिकाला चांगलेच धारेवर धरले. सामान्य नागरिकांनी तरी देखील प्रश्न विचारले. यावेळी प्रशांत बंब यांनी या व्यक्तीला बाहेर घ्या असे सांगितले. तर प्रशांत बंब यांच्या कार्यकर्त्यांनी मारहाण करत या व्यक्तीला थेट सभास्थळावरून बाहेर काढले. हा व्हिडीओ सोशल मीडियावर तुफान व्हायरल होत आहे.