राज्यात घोटाळ्यांची मालिका काही थांबण्याचं नाव घेत नाही. आता छत्रपती संभाजीनगरच्या सार्वजनिक बांधकाम विभागात बोगस वर्क ऑर्डर काढून अडीचशे कोटी रुपयांचा घोटाळा करुन अधिकारी आणि कंत्राटदारांनी उखळ पांढरं केल्याचा आरोप करण्यात आलाय. . मात्र हा घोटाळा नेमका कसा घडलाय. पाहूयात.

जिल्हा नियोजन समितीनं मंजूर केलेल्या कामाच्या बोगस वर्क ऑर्डर काढण्यात आल्या.. हा घोटाळा क्यू आर कोडमध्ये फेरफार करुन कऱण्यात आल्याचा आरोप आहे.. क्यू आर कोड एकाचा आणि वर्क ऑर्डर दुसऱ्याच्या नावाने काढण्यात आलीय. या रॅकेटमध्ये टेंडर क्लार्क, विभागीय लेखाधिकारी, कार्यकारी अभियंता गुंतल्याचा आरोप आहे.. त्यामुळे सार्वजनिक बांधकाम विभागाचे मुख्य अभियंता अतुल चव्हाण यांच्या अध्यक्षतेखाली चौकशी समिती नेमण्यात आलीय.

मात्र सार्वजनिक बांधकाम विभागाचे मुख्य अभियंता अतुल चव्हाण यांच्या समितीवरच ठाकरेसेनेनं आक्षेप घेतलाय. तर या प्रकरणाची निवृत्त न्यायाधीशांच्या अध्यक्षतेखाली समिती नेमण्याची मागणी ठाकरेसेनेचे आमदार अंबादास दानवेंनी केलाय.तर या प्रकरणात जो कोणी दोषी आढळेल त्याच्यावर फौजदारी गुन्हा दाखल करण्यात येणार असल्याचं पालकमंत्री संजय शिरसाट यांनी स्पष्ट केलंय.

आता छत्रपती संभाजीनगरमधील बोगस वर्क ऑर्डरच्या रॅकेटमध्ये गब्बर झालेले कंत्राटदार आणि घोटाळा करुन पैसे लाटणारे अधिकारी यांची सगळी साखळीच उखडून टाकण्याची गरज आहे.. त्यासाठी विरोधकांनी जिल्ह्याबाहेरच्या अधिकाऱ्यामार्फत किंवा निवृत्त न्यायाधीशांमार्फत चौकशीची मागणी केल्यानं सरकार ही मागणी मान्य करणार का? याकडे लक्ष लागलंय. नाहीतर याच विभागातील अधिकाऱ्यांमार्फत चौकशी झाली तर ही चौकशी फक्त फार्स ठरण्याचीच शक्यता आहे.