रामनाथ ढाकणे, साम टीव्ही छत्रपती संभाजीनगर

छत्रपती संभाजीनगरच्या पाचोड बस स्थानकामध्ये महिला कंडक्टरने प्रवाशांना मारहाण केलीय. या घटनेचा व्हिडिओ समोर आलाय. धुळे-सोलापूर रस्त्यावर पाचोड बस स्थानक आहे. हे बसस्थानक छत्रपती संभाजीनगर जिल्ह्यातील प्रवाशांसाठी महत्वाचं मानलं जातं. रोज या ठिकाणावरून दोनशे ते जवळपास अडीचशे प्रवासी ये-जा करत असल्याची माहिती मिळत आहे.

महिला कंडक्टरने प्रवाशाच्या कानशि‍लात लगावली

पाचोड बस स्थानकावर सर्वच बस थांबा घेतात. मात्र काही कंडक्टर मुजोरी करतात. पाचोड येथील काही विद्यार्थी आणि प्रवाशांना 'आडूळ' थांबा घेत (Chhatrapati Sambhajinagar News) नाही. आजही असंच घडलं होतं. एका महिला वाहकाने आडूळ थांब्यावर बस उभी करण्यास नकोर दिला. त्यामुळे अजय डुकळे या प्रवाशांनी पाचोड येथून आडुळ वरती प्रवासी घेण्यास विनंती केली होती.

प्रवाशी आणि बस कडंक्टरमध्ये बाचाबाची

परंतु महिला बस वाहकाने नकार (Fight Video) दिला. त्यामुळे प्रवाशी आणि बस कडंक्टरमध्ये बाचाबाची झाली. यावादाचं रूपांतर थेट हाणामारीत झाल्याचं पाहायला मिळालं. या घटनेचा व्हिडिओ समोर आलाय. शाळेतील मुलींना बसमध्ये घेण्याची विनंती प्रवाशांनी केली होती. परंतु यास महिला कंडक्टरने नकार दिल्याने हा धक्कादायक प्रकार (Female Conductor Beat Passenger) घडला आहे.

मारहाणीचा VIDEO व्हायरल

सुरूवातीला प्रवाशी अन् कंडक्टर महिलेत शा‍ब्दिक वाद झाला होता. त्यानंतर संतापलेल्या कंडक्टर महिलेनं थेट प्रवाशाच्या कानशि‍लात (viral video news) लगावली. हे प्रकरण आता पोलीस ठाण्यापर्यंत पोहोचलं आहे. या घटनेप्रकरणी पाचोड पोलीस ठाण्यामध्ये दोन्ही गट दाखल झाले आहेत. एकमेकांविरुद्ध गुन्हे दाखल करण्याची प्रक्रिया सुरू असल्याची माहिती मिळत आहे.