विनायक वंजारे

सिंधुदुर्ग: शिवसैनिक संतोष परब हल्ला (Santosh Parab) प्रकरणातील दोषारोपपत्र कणकवली पोलिसांकडून न्यायालयात दाखल करण्यात आले आहे. त्यामुळे आमदार नितेश राणे यांचा कणकवली तालुक्यातील प्रवेशाचा मार्ग मोकळा झाला आहे. आरोपपत्र दाखल करेपर्यत कणकवलीत येण्यास न्यायालयाने राणेंना बंदी घातली होती. शिवसैनिक संतोष परब हल्ला प्रकरणातील दोषारोपपत्र आज कणकवली पोलिसांनी कणकवली न्यायालयात (Kankavali Court) दाखल केले आहे. तपास अधिकारी सचिन हुंदळेकर यांनी हे दोषारोपपत्र दाखल केले आहे.

घटनेच्या ९० दिवसांच्या आत दोषारोपपत्र दाखल करण्याचे आदेश न्यायालयाने दिले होते. त्या आदेशानुसार हे आरोप पत्र दाखल करण्यात आले आहे. त्यामुळे भाजपा आमदार नितेश राणे (Nitesh Rane) यांच्या सह गोट्या सावंत, नितेश राणेंचे पीए राकेश परब यांचा कणकवली तालुक्यातील प्रवेशाचा मार्ग मोकळा झाला आहे.

दरम्यान शिवसेनेचे नेते संतोष परब हल्ला प्रकरण भाजपचे कणकवलीचे आमदार नितेश राणे यांना चांगलेच भोवले होते. या प्रकरणी नितेश राणे यांचे सहकारी सचिन सातपुते यांना अटक झाली आहे. त्यानंतर आमदार नितेश राणे हे सध्या नॉट रिचेबल असल्याच्या चर्चा होत्या. नितेश राणे अटकपुर्व जामीनासाठी सर्वोच्च न्यायालयापर्यंत गेले होते. परंतु त्यांना पोलीस कोठडी सुनावण्यात आली होती. राज्य सरकार सुडबुद्धीने हे सर्व करत असल्याची टीकाही झाली होती.

Edited By: Pravin Dhamale