- अमर घटारे

अमरावती : अमरावतीच्या (amravati) येथील चांदुर रेल्वे शहरात (chandur railway) माजी नगरसेवकाच्या मुलावर जीवघेणा हल्ला करण्यात आला आहे. चांदुर रेल्वेच्या मुख्य रस्त्यावरील तहसील कार्यालयासमोरील ही घटना आहे. शनिवारी रात्री आठ वाजता ही घटना घडली असून या हल्ल्यात माजी नगरसेवक यांचा मुलगा आर्यन कलावटे हा गंभीर जखमी (injured) झाला आहे. (amravati latest marathi news)

आर्यन हा तहसील कार्यालयासमोर चायनीज चाखण्यासाठी गेला हाेता. अचानक त्याच्यावर धारदार चाकूने वार करण्यात आल्याची प्राथमिक माहिती उपलब्ध झाली आहे. आर्यन याच्यावर हा हल्ला केल्यानंतर मारेकरी पसार झाले. या हल्ल्यात आर्यन गंभीर जखमी झाला.

त्याला तातडीने ग्रामीण रुग्णालयात हलविण्यात आले. त्याची प्रकृती गंभीर होत असल्याने त्याला अमरावती हलविण्यात आले आहे असे त्याच्या निकटवर्तीयांनी सांगितले. दरम्यान या घटनेची माहिती मिळताच पोलीस (police) घटनास्थळी दाखल झाले. पाेलीसांनी मारेकरूंचा शोध सुरु केला आहे.

Edited By : Siddharth Latkar