मनोज जयस्वाल

Washim Accident News :

समृद्धी महामार्गावरील अपघातांची मालिका सुरुच आहे. समृद्धी महामार्गावर कारचा अपघात झाला आहे. अपघातात कारमधील 7 जण जखमी झाले आहेत. वाशिम जिल्ह्यातील कारंजा तालुक्यातील पोहाजवळ लोकेशन 190 वर हा अपघात झाला आहे.

मिळालेल्या माहितीनुसार, कारच्या समोर अचानक रोही आल्याने हा अपघात झाल्याची प्राथमिक माहिती समोर येत आहे. गाडीसमोर रोही आल्याने चालकाने गाडीचा अचानक ब्रेक मारला. मात्र त्यामुळे गाडी अनियंत्रित झाली आणि डिव्हायडरला जाऊन धडकली. गाडीचे दोन्ही टायर देखील फुटले. (Latest Marathi News)

साईबाबाच्या दर्शनावरुन परतत होते भाविक

गाडीतील जखमी हे चंद्रपूरचे राहणारे आहेत. सर्वजण शिर्डी येथून साईबाबांचे दर्शन घेऊन चंद्रपूरला परतत होता. मात्र वाटेतच त्यांच्या वाहनाला अपघात झाला. अपघाताची माहिती मिळताच समृद्धी महामार्गावरील कर्मचारी घटनास्थळी दाखल झाले आणि जखमींना उपचारासाठी रुग्णालयात दाखल केले.