वसई/विरार : विरार अर्नाळा मध्ये 16 फेब्रुवारी रोजी महसूल विभागाने 50 झोपड्या उध्वस्त केल्या होत्या. या कारवाई दरम्यान एका महिलेने घर न तोडण्याची विनंती अधिकाऱ्यांस केली. पोलीस आणि प्रांत अधिकारी यांना अनेक वेळा विनवण्या करून देखील तिचे घर (House) तोडण्यात आले. शाईन सय्यद असे या महिलेचे नाव असून कारवाई दरम्यान तिने विष प्राशन केले होते. याचा व्हिडिओ (Video) आता समाज माध्यमावर वायरल होत आहे.

हे देखील पहा :

शाईन सय्यद (34) यांच्या दोन मुली आहेत. आई आणि या दोन्ही मुली मासे विकण्याचे काम करतात. कर्ज घेऊन त्यांनी विरार (Virar) मधील अर्नाळा परिसरात झोपडे बांधले होते. मात्र, महसूल विभागाच्या कारवाई मुळे अर्नाळा परिसरातील 50 झोपड्या जमीनदोस्त करण्यात आल्या. या वेळी शाईन सय्यद यांनी झोपडी ना तोडण्यासाठी प्रांत अधिकारी यांना अनके विनवण्या केल्या. मात्र, कोणी ऐकत नाही म्हणून शाईन सय्यद यांनी विष प्राशन केले.

Edited By : Krushnarav Sathe