बीडच्या माजलगाव शहरांमध्ये भर बाजारात दोन मोकाट बैल आमने-सामने आले आणि दोघांमध्ये चांगलीच जुंपली. भर रस्त्यात या दोन्ही बैलांनी अक्षरशः धुडगूस घातला होता. यावेळी जवळपास अर्धा ते पाऊण तास या दोघांमध्ये चांगलीच झुंज रंगली होती. त्यामुळे येणाऱ्या-जाणाऱ्या रस्त्यावरील वाहनधारकांचा जीव टांगणीला लागला होता. मात्र काही वेळानंतर नागरिकांनी पुढं येत या दोन्ही बैलांची झुंज थांबवली. माजलगाव शहरांमध्ये रस्त्यावर मोकाट जनावरांची संख्या वाढली आहे. त्यामुळे या जनावरांमध्ये अनेकदा झुंज होताना दिसत असते. काल घडलेला प्रकार कॅमेरा मध्ये कैद झाला असून सध्या हा व्हिडीओ चांगलाच व्हायरल होत आहे.