संजय जाधव 
बुलढाणा : महावितरणकडून मोहीम राबविण्यात येत असून या अंतर्गत वीज वाहिनी निरीक्षण, मीटर तपासणी केली (Buldhana) जात आहे. यासाठी नेमलेले पथक आले असता, या पथकाला शिवीगाळ करत जीवे मारण्याची धमकी देण्यात आली. या (Mahavitaran) प्रकाराबाबत पोलिसात चार जणांविरुद्ध गुन्हा दाखल करण्यात आला आहे. (Live Marathi News)

महावितरणच्या खामगाव (Khamgaon) ग्रामीण उपविभागात शिरजगाव देशमुख येथे कार्यरत वरिष्ठ तंत्रज्ञ चिरंजीलाल जाधव हे आपल्या सहकाऱ्यांसह जनता नगरमधील वीज वाहिनीचे निरिक्षण करण्यासाठी गेले होते. दरम्यान पथक निरिक्षण करत असतांना शेरू खान हा किराणा दुकानातून काठी घेवून चिरंजीलाल जाधव व त्यांच्या सहकाऱ्यांना मारण्यासाठी धावून गेला. तसेच पथकाला अश्लिल शिवीगाळ केली. सदर वाद सुरू असतांना आणखी तिघांनी शिवीगाळ करत जीवे मारण्याची धमकी देत तपासणी करण्यात अडथळा निर्माण केला.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सरकारी कामात अडथळा 

सरकारी कामात अडथळा निर्माण केला. या प्रकरणी चिरंजीलाल जाधव यांनी खामगाव ग्रामीण पोलीस स्टेशनला दिलेल्या फिर्यादीवरून चार जणांनी विरोधात विविध कलमान्वये गुन्हा दाखल करण्यात आला आहे. याबाबत पोलिसांकडून तपस करण्यात येत आहे.