बुलढाणा : दोन वर्षानंतर दिवाळी सर्वत्र मोठ्या धामधूमीत साजरी केली जात आहे. जिकडे तिकडे फटाक्याची आतिषबाजी केली गेली. परंतु, फटाका फोडत असताना फटाक्‍याची बारूद डोळ्यात गेल्‍याने दुखापत झाल्‍याचा (Buldhana) प्रकार करडी या गावात घडली. (Letest Marathi News)

फटाके फोडताना (Diwali) काळजी घ्यायला हवी. परंतु, स्वतः काय काळजी घ्यावे हे विसरून फटाके फोडल्या जात आहेत. यामुळेच बुलढाणा तालुक्यातील करडी या गावात फटाका फोडत असताना घटना घडली आहे. रात्रीच्या सुमारास 22 वर्षीय विजय शिवणकर या युवकाने फटाके फोडताना काळजी घेतली नाही. फटाक्याची बारूद सरळ डोळ्यांत गेली. त्यामुळे डोळ्याला मोठी इजा होवून गंभीर दुःखापत डोळ्याला झाली.

तात्‍काळ उपचार

डोळा निकामी होतो की काय अशी भीती पालकांना वाटली. परंतु, वेळीच रात्री 12 वाजता बुलढाणा येथील डॉ. सुभाष जोशी यांच्या डोळ्याच्या (Hospital) हॉस्पिटलला आणण्यात आले. डॉ. जोशी यांनी विजयला ऑपरेशन थियेटरमध्ये नेऊन त्यांच्या डोळ्याची अत्याआधुनिक यंत्रणेद्वारे तपासाणी करून डोळा स्वच्छ केला व औषध उपचार केला. त्यामुळे डोळा वाचला; वेळीच उपचार मिळाल्याने विजयचा डोळा वाचला.