Buldhana Accident Saam tv
महाराष्ट्र

Buldhana Accident : देवदर्शनासाठी जाणाऱ्या भाविकांच्या गाडीला भीषण अपघात; उभ्या ट्रकला बसची धडक, ३५ भाविक जखमी

Bhuldhana News : आंध्रप्रदेशातील काहीजण खासगी बस करून देवदर्शनासाठी निघाले होते मुंबई- कॊलकत्ता राष्ट्रीय महामार्गवरील मलकापूर ते नांदुरा दरम्यान काटी फाट्या जवळ पहाटे तीन वाजेच्या सुमारास भीषण अपघात

संजय जाधव

बुलढाणा : आंध्रप्रदेशातील काही भाविक देवदर्शनासाठी निघाले होते. दर्शनासाठी जात असलेल्या भाविकांच्या बसला बुलढाणा जिल्ह्यात भीषण अपघात झाला आहे. पहाटे तीन वाजेच्या सुमारास हा अपघात झाला असून बसमधील ३५ भाविक जखमी झाले आहेत. तर तीनजण गंभीर जखमी झाले आहेत. जखमींना लागलीच जवळच्या रुग्णालयात उपचारासाठी दाखल करण्यात आले आहे. 

बुलडाणा जिल्ह्यातून जाणाऱ्या मुंबई- कॊलकत्ता या राष्ट्रीय महामार्ग क्र. ५६ वरील मलकापूर ते नांदुरा दरम्यान काटी फाट्या जवळ पहाटे तीन वाजेच्या सुमारास भीषण अपघात झाला आहे. आंध्रप्रदेशातील काहीजण खासगी बस करून देवदर्शनासाठी निघाले होते. भाविकांची खाजगी बस रस्त्याच्या बाजूला उभ्या असलेल्या ट्रकवर धडकली असून या अपघातात जवळपास ३५ भाविक जखमी झाल्याची प्राथमिक माहिती समोर आली आहे. 

जखमींना दाखल केले रुग्णालयात 

दरम्यान अपघाताची माहिती मिळताच मलकापूर ग्रामीणचे ठाणेदार संदीप काळे हे विभागीय गस्तीवर असतांना घटनेची माहिती मिळताच ते घटनास्थळी दाखल झाले. यानंतर जखमींना तातडीने उपचारासाठी मलकपूरच्या ग्रामीण रुग्णालयात दाखल केले आहे. तर दहा जखमीना पुढील उपचारासाठी बुलडाणा रेफर करण्यात आले असून त्यांच्यावर उपचार केले जात आहे. यातील तीन जणांची प्रकृती गंभीर असल्याचे सांगितले जात आहे. 

तीन दिवसांवपूर्वी याच ठिकाणी अपघात 

दरम्यान अपघातातील जखमी सर्व भाविक आंध्रप्रदेश राज्यातील कडप्पा येथील असून ते नाशिक, शिर्डीला देवदर्शानासाठी जात होते. तीन दिवसा अगोदर देखील याच महामार्गावरील आमसरी फाट्यावर मध्यप्रदेश परिवहनची बस व विटा घेऊन जाणाऱ्या मालवाहू वाहनाची धडक होऊन तीन जण ठार तर १८ जण जखमी झाले होते. यानंतर पुन्हा भाविकांच्या बसला भीषण अपघात झाला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: पुणे जिल्ह्याला आज येलो अलर्ट

Mumbai Crime News: मालाडमध्ये बार डान्सरची हत्या; नको त्या अवस्थेत सापडला मृतदेह, नेमकं प्रकरण काय?

Navratri Festival : नवरात्रीची अनोखी परंपरा; कडक उपवासात ९ दिवस बसायचं नाही, झोपायच पण तेही उभं राहून

IND vs SL: श्रीलंकेविरूद्ध टीम इंडियामध्ये ३ बदलांची शक्यता; फायनलपूर्वी 'या' खेळाडूंना मिळणार संधी, पाहा कशी असेल प्लेईंग 11

Devoleena Bhattacharjee: गोपी बहूचे बेबी बंप फोटो व्हायरल; चाहत्यांना देणार पुन्हा गोड बातमी?

SCROLL FOR NEXT