बुलढाणा : खामगाव वरून शिर्डीकडे प्रवाशी घेऊन जाणाऱ्या राज्य परिवहन महामंडळाच्या बसचा अपघात झाला आहात. समोरून येणाऱ्या वाहनाला वाचवण्याच्या प्रयत्नात दुभाजकाला धडकून बस पलटी झाली. या अपघातात बसमधील सहा प्रवाशी जखमी झाले असून त्यांना उपचारासाठी रुग्णालयात दाखल करण्यात आले आहे. 

राष्ट्रीय महामार्ग क्रमांक ६ वर धरणगाव जवळील फौजी ढाब्या सामोर हा अपघात (Accident) झाला. राज्य परिवहन महामंडळाच्या खामगांव आगाराची बस (Khamgaon) खामगाव बसस्थानकावरून निघून शिर्डी कडे जाण्यासाठी मार्गस्थ झाली होती. दरम्यान बस राष्ट्रीय महामार्ग क्रमांक सहावर धरणगाव जवळील फौजी धाब्याजवळ अली असता बसचा अपघात (Bus Accident) झाला. समोरून येत असलेल्या वाहनाला वाचवण्याच्या प्रयत्नात बस चालकाचे नियंत्रण सुटून बस दुभाजकाला धडकली. यात बस पलटी झाल्याची माहिती मलकापूर आगार प्रमुख मुकुंद न्हावकर यांनी दिली आहे.

अपघातात ६ प्रवासी जखमी

बस पलटी होऊन झालेल्या अपघातात बसमधील सहा प्रवाशी किरकोळ जखमी झाले आहेत. बस पलटी झाल्याने आजूबाजूच्या परिसरातील नागरिकांनी धाव घेत मदतकार्य केले. बसमधील प्रवाशांना बाहेर काढण्यात आले. तर जखमी प्रवाशांना रुग्णालयात दाखल करण्यात आले.