Buldhana News Saam tv
महाराष्ट्र

Buldhana RTO : महिला परिवहन अधिकाऱ्याचा अजून एक प्रताप; आरटीओ एजंटला कानशिलात लगावत शिवीगाळ VIDEO

Buldhana News : महिला परिवहन अधिकाऱ्यावर कुठलीही कारवाई होत नाही. दरम्यान महिनाभरातच शिवीगाळ करण्यात आल्याचे दोन प्रकार घडले असून याचे व्हिडिओ व्हायरल झाल्याने राज्यभरात बुलढाणा परिवहन विभागाचे वाभाडे निघत आहे

संजय जाधव

बुलढाणा : काही आठवड्यांपूर्वी बुलढाणा परिवहन कार्यालय चर्चेत आलं होतं, ते एका महिला परिवहन अधिकाऱ्याने केलेल्या अर्वाच्य शिवीगाळ बद्दल. त्यावेळी महिला परिवहन अधिकाऱ्याने शिवीगाळ करतानाचा व्हिडिओ चांगलाच व्हायरल झाला होता. यानंतर या महिला परिवहन अधिकाराचा प्रताप समोर आला असून आरटीओ एजंटला कानशिलात लगावत शिवीगाळ केल्याचा प्रकार समोर आला आहे. 

आरटीओ कार्यालयात एजंट काम करत असतात. अनेक नागरिक या एजंटमार्फत आपली कामे करून घेत असतात. अशाच प्रकारे बुलढाणा परिवहन विभागाच्या कार्यालयात असलेल्या एजंटला काल पुन्हा त्याच महिला परिवहन अधिकाऱ्याने मारहाण करत पुन्हा चांगली शिवीगाळ केली. हा व्हिडिओ देखील समाज माध्यमात व्हायरल झाल्याने राज्यभरात बुलढाणा परिवहन विभागाचे वाभाडे निघत आहे.  

दोघांचा परस्पर विरोधात गुन्हा 

या घडल्या प्रकरणानंतर बुलढाणा शहर पोलिसांनी आरटीओ एजंटच्या तक्रारीवरून महिला परिवहन अधिकारी राजश्री चौधरी यांच्या विरुद्ध गुन्हा दाखल केला आहे. तर राजश्री चौधरी यांनी सुद्धा पोलिसात दिलेल्या तक्रारीवरून पोलिसांनी आरटीओ एजंटवर गुन्हा दाखल केला आहे. या प्रकरणी पोलिसांकडून चौकशी सुरु करण्यात आली आहे. 

महिला अधिकाऱ्यांविरुद्ध अनेक तक्रारी 

दरम्यान परिवहन कार्यालयात विविध कामांसाठी येणाऱ्या जिल्हाभरातून नागरिकांना व आरटीओ एजंटला या महिला परिवहन अधिकारी वारंवार शिवीगाळ व धमकावत असल्याचा तक्रारीही अनेकदा वरिष्ठांना प्राप्त झाल्या आहेत. मात्र या महिला परिवहन अधिकाऱ्यावर कुठलीही कारवाई होताना दिसत नाही. दरम्यान महिनाभरातच शिवीगाळ करण्यात आल्याचे दोन प्रकार घडले असून याचे व्हिडीओ व्हायरल झाले आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maratha Quota Agitation: एकनाथ शिंदेंनी आंदोलकांना रसद पुरवल्याचा राऊतांचा खळबळजनक आरोप; राज ठाकरे यांचीही टीका

Israeli Strike: इस्रायलचं येमेनमध्ये एअर स्ट्रइक; हल्ल्यात हुथी पंतप्रधानासह अनेक मंत्र्यांचा मृत्यू

Weight Loss Tips: जिम-डाएटसाठी वेळ नाही? पण वजन कमी करायचंय? 'या' सोप्या टिप्स करा फॉलो

Dombivali : रेल्वे स्थानकाबाहेर वाहतूक कोंडी अन् फेरीवाल्यांच्या गराडा; तरुणाने मांडली गणपतीच्या देखाव्यातून व्यथा

Maratha vs OBC: मराठा आरक्षणात नवा ट्विस्ट! सातबारा पाहून मराठा समाजाला ओबीसी प्रमाणपत्र द्या; बीडच्या आमदारांची अनोखी मागणी

SCROLL FOR NEXT