बुलढाणा : गॅस कटरच्या सहाय्याने एटीएम मशीन फोडून त्यातील रक्कम घेऊन चोरटे पसार होत असतात. तर काही ठिकाणी थेट एटीएम मशीनचा चोरून नेल्याचे समोर आले आहे. अशाच प्रकारे खामगांव- नांदुरा रोड वरील सुटाला गावातील आयडीबीआय बँकेचे एटीएम मशीन फोडण्याचा चोरट्यांचा प्रयत्न अर्ध्यातच फसल्याने एटिम मशीन सोडून पसार झाल्याची घटना आज सकाळी खामगाव शहरातील सुटाळा गाव शिवारात उघडकीस आली आहे.

खामगाव- नांदुरा रोड वर आयडीबीआय बँक शाखा सुटाळाची शाखा आहे. याच ठिकाणी बँक ग्रहकांकरिता एटीम सुविधा देखील उपलब्ध करून देण्यात आली आहे. या ठिकाणी रात्रीच्या सुमारास सुनसान असल्याने चोरटयांनी याचा फायदा उचलत एटीएम मशीन फोडण्याचा प्रयत्न केला. रात्रीच्या सुमारास अज्ञात चोरट्यांनी एटीम मशीन फोडण्याचा प्रयत्न केला. मात्र चोरट्यांचा हा प्रयत्न यशस्वी ठरला नाही.  

पैसे निघाले नाही म्हणून मशीनच चोरण्याचा प्रयत्न 

चोरी करण्यासाठी आलेल्या चोरट्यानी सुरवातीला एटीम मशीन मधून पैसे काढण्याचा प्रयत्न केला. मात्र पैसे निघत नसल्याने त्यांनी चक्क एटीम मशिनच चोरून नेण्याचा प्रयत्न केला. परंतु या मशीनचे वजन जास्त असल्याने ती एटीएम मशीन उचलली न गेल्यामुळे एटीम मशीन बाहेरच सोडून चोरटे पसार झाल्याची घटना आज सकाळी उघडकीस आली आहे. 

पोलिसांकडून चोरट्यांचा शोध सुरु 

दरम्यान सकाळ एटीएम मशीन बाहेर पडल्याचे दिसून आल्याने सदरची माहिती आयडीबीआय बँकेचे अधिकारी यांना कळविण्यात आली. माही मिळताच घटनास्थळी दाखल झाले व त्यांनी पोलिसाना माहिती दिली. यानंतर शिवाजी नगर पोलीस स्टेशनचे ठाणेदार घटनास्थळी दाखल झाले. पंचनामा करून अज्ञात आरोपीचा शोध घेण्यासाठी पथक रवाना केल्याची माहिती आहे.