संजय जाधव, साम टीव्ही

Buldhana Crime News : बुलढाणा जिल्ह्यातून एक धक्कादायक घटना समोर आली आहे. गर्लफ्रेंडने धोका दिल्याने एका काँग्रेस शहराध्यक्षाने गळफास घेऊन आपली जीवनयात्रा संपवली. 'अपनी रानी किसी की दीवानी हो गई', असं स्टेटस ठेवत या युवकाने आपली जीवन यात्रा संपवली आहे. या घटनेमुळे संपूर्ण हळहळ व्यक्त केली जात आहे. (Latest Marathi News)

गजानन गुरव असं (वय २६ वर्ष) असं आत्महत्या करणाऱ्या काँग्रेस शहराध्यक्षाचं नाव आहे. गजानन हा देऊळगावराजा (Buldhana) तालुक्याती देऊळगाव मही येथील काँग्रेसच्या अल्पसंख्यांक सेलचा शहराध्यक्ष होता. गर्लफ्रेंडने धोका दिला म्हणून गुरूवारी त्याने आत्महत्या केल्याची धक्कादायक घटना उघडकीस आली आहे.

मिळालेल्या माहितीनुसार, गजानन याचे गावातीलच एका तरुणीसोबत प्रेम संबंध होते. दोघे बरीच वर्ष रिलेशनशिपमध्ये राहिले. मात्र, अचानक या तरुणीने दुसऱ्या तरुणासोबत आपलं सूत जुळवलं. या नैराश्यातून (Crime News)  गजानन गुरव याने खंडोबा मंदिर परिसरात एका झाडाला गळफास घेऊन आत्महत्या केली.

आपल्या प्रियसीने प्रेमात धोका दिला असल्याचं गजानन आपल्या व्हाट्सअप स्टेटस आणि इंस्टाग्रामवर ठेवलं. त्यानंतर त्याने आपली जीवनयात्रा संपवली. इतकंच नाही तर गजानन याने आत्महत्येपूर्वी आपल्या मित्र परिवाराला सुद्धा भावनिक मॅसेज पाठवल्याचं समोर आलं आहे. या घटनेमुळे संपूर्ण तालुक्यात हळहळ व्यक्त केली जात आहे.

Edited By - Satish Daud