बुलढाणा : बुलढाणा जिल्ह्याच्या चिखली शहरातील सैलानीनगर परिसरात एका (Marriage) लग्नाच्या वरातीत डीजेवर गाणं वाजवण्याच्या (Chikhali) कारणावरुन दोन गटात वाद झाला होता. यावेळी दोन्ही गटाकडून दगडफेक सुद्धा करण्यात आली. काही लोकांनी आक्षेपार्ह घोषणाबाजी केल्याचेही बोलले जात आहे. (Tajya Batmya)

चिखलीच्‍या सैलानीनगर परिसरात वाद झाला त्याठिकाणी पोलिसांचा (Police) कडक बंदोबस्त असून तणावपूर्ण शांतता आहे. तर चिखली पोलिसांनी याप्रकरणी ३० जणांवर दंगलीचे गंभीर गुन्हे दाखल केले आहे. यातील आतापर्यंत २० आरोपींना अटक केली असून राहिलेले आरोपीना सुद्धा लवकर अटक करणार असल्याच पोलिसांनी सांगितले.

लाठीचार्जमध्‍ये १३ जखमी

दरम्यान पोलिसांनी जमाव पांगवण्यासाठी लाठीचार्जही केला. यामध्ये १३ जण जखमी झाले असून दोन गंभीर जखमी आहेत. त्यांच्यावर सध्या खाजगी रुग्णालयात उपचार सुरू आहेत. कोणत्याही अफवांवर विश्वास ठेवू नये असे आवाहन सुद्धा पोलिसांनी केले आहे.