बुलढाणा : नांदुरा - बुऱ्हाणपूर मार्गावरील येरळी पुलावरील आज दुपारच्या सुमारास भीषण अपघाताची घटना घडली आहे. यात भरधाव कार दुचाकीला धडकून हा अपघात झाला असून अपघातात दुचाकीवरील वडील आणि मुलाचा जागीच मृत्यू झाला आहे. दरम्यान अपघातानंतर महामार्गावरील वाहतूक काही काळ ठप्प झाली होती. मात्र पोलिसांनी अपघातस्थळी येत वाहतूक सुरळीत केली. 

बुलढाणा जिल्ह्यात हा भीषण अपघात झाला आहे. यात नांदुरा कडून जळगाव जामोद येणाऱ्या भरधाव कारने नांदुराच्या दिशेने जाणाऱ्या दुचाकीला जोरदार धडक दिली. येरळी नवीन पुलावर धडक दिली. भरधाव वेगात असणाऱ्या कारचे टायर फुटल्यामुळे कार चालकाचे नियंत्रण सुटले. यांनतर कार विरुद्ध दिशेला येऊन डिव्हायडरला जोरात धडकून नांदुरा कडे जाणाऱ्या दुचाकीला जाऊन धडकली.

पिता पुत्राचा मृत्यू 

सदरच्या भीषण अपघातात पिता- पुत्राचा मृत्यू झाला आहे. कारने धडक दिल्यामुळे तिवडी येथील वडील राजू घाईट व मुलगा मंगेश घाईट हे गंभीररित्या जखमी झाले असता त्यांना सामान्य रुग्णालय खामगाव येथे उपचारार्थ नेत असताना रस्त्यातच राजू घाईट यांचा मृत्यू झाला. तर मंगेश घाईट याला अकोला येथे पाठवण्यात आले होते. उपचारा दरम्यान त्याचाही मृत्यू झाला आहे.

डिव्हायडर वरून ट्रक पलटी होऊन तरुणाचा मृत्यू
भरधाव वेगात ताथवडे कडून डांगे चौक कडे जात असताना ब्रीज वरील डिव्हायडर वरून चालकाचे नियंत्रण सुटले. यात ट्रक पलटी होऊन रस्त्याने जाणाऱ्या एका दुचाकीस्वारावर पडला. या घटनेत दुचाकी वाहनां वरुण जाणारा नितीन आटवे या तरुणाचा दुर्देवी मृत्यू झाला आहे. काल रात्रीच्या सुमारास अपघात झाला. अपघातानंतर ट्रक चालक फरार झाला असून पिंपरी चिंचवड पोलीस त्याचा शोध घेत आहेत.