संजय जाधव

Buldhana Accident News

साखरखेर्डा पोलीस स्टेशन हद्दीत लव्हाळा फाटा जवळीत पावर हाऊससमोर ट्रक आणि कारच्या धडकेत एकाचा मृत्यू झाला (Accident News) आहे, तर इतर तीनजण जखमी झाले आहेत. हा अपघात रात्री पावनेतीन वाजेच्या सुमारास झाला आहे. भरधाव ट्रकने कारला जोरदार धडक दिली. या अपघातात एकाचा मृत्यू झाला आहे, तर तिघांची प्रकृती चिंताजनक आहे.

हा ट्रक स्टेट बॅंकेचे लॉकर घेऊन धुळे येथून हैदराबादकडे जात होता. चालक सुनिल कोळी (रा. धुळे) याने अवंढानागनाथ येथून दर्शनाहून बुलढाणा येथे निघालेल्या कारला जोरदार धडक (Accident In Sakharkherda Police Station Area) दिली. या धडकेत कारमधील प्रवासी गंभीर जखणी झाले. त्यांना तातडीने रूग्णालयात दाखल करण्यात आलं होतं.

साखरखेर्डा पोलीस स्टेशन हद्दीत भीषण अपघात

त्यामुळे कारमधील वैभव रामकृष्ण लोखंडे याचा चिखली येथे उपचारादरम्यान मृत्यू ( Truck And Car Accident) झाला. तसेच सागर एकनाथ सुरुशे, आदित्य गजानन सुरुशे (सर्व रा. सुंदरखेड बुलढाणा) हे गंभीर जखमी झाले आहेत. त्यांच्यावर संभाजीनगर येथे उपचार सुरू आहेत. अविनाश पंजाब गव्हाणे (रा. सुंदरखेड बुलढाणा) हा किरकोळ जखमी झाला आहे.

अपघाताची माहिती मिळताच पोलीस हेड कॉन्स्टेबल कडूबा डोईफोडे (Buldhana Accident News), पोलीस कॉन्स्टेबल लक्ष्मण ईनामे, पोलीस कॉन्स्टेबल राजेश गीते, पोलीस कॉन्स्टेबल मेहेर यांनी घटनास्थळी मदत केली. दरम्यान पोलीसांनी ट्रक चालकास ताब्यात घेतलं आहे. ट्रक चालक भरधाव वेगात वाहन चालवत असल्याची माहिती मिळत आहे.

अपघातात एकाचा मृत्यू

हा अपघात साखरखेर्डा पोलीस स्टेशन हद्दीत (Sakharkherda Police Station) झाला आहे. अलीकडे अपघातांचं प्रमाण वाढलं आहे. अपघातांच्या पाठीमागे वाहनांचा भरधाव वेग हे प्रमुख कारण असल्याचं दिसत आहे. अपघातांवर नियंत्रण मिळविण्यासाठी वाहतूक पोलीस सातत्याने प्रयत्न करत आहेत. वाहतूक नियमांचा भंग करणाऱ्या नागरिकांना मोठा दंड देखील ठोठावण्यात येत आहे.

या अपघातात एकाचा मृत्यू झाल्याची माहिती मिळत आहे. अन्य तिघांची प्रकृती चिंताजनक आहे. तर ट्रक चालकास पोलिसांनी ताब्यात घेतलं आहे.