बुलढाणा : मुंबई येथून कार्यक्रम आटोपल्‍यानंतर ध्‍वजारोहण कार्यक्रमासाठी उपविभागीय अधिकारी मेहकर (Mehkar) येथे शासकिय वाहनाने येत होते. या दरम्‍यान जालन्‍याजवळ त्‍यांचा (Accident) अपघात झाला असून यात ते किरकोळ जखमी झाले आहेत. (Maharashtra News)

मतदार नोंदणी प्रक्रिया तसेच मतदार जनजागृती अभियानामध्ये उत्कृष्ट कामगिरी केलेल्या अधिकाऱ्यांचा सन्मान कार्यक्रम बुधवारी (२५ जानेवारी) पाटकर सभागृह (एस.एन.डी.टी. विद्यापीठ) चर्चगेट, मुंबई येथे आयोजित करण्यात आला होता. या कार्यक्रमासाठी मेहकरचे उपविभागीय अधिकारी गणेश राठोड यांचा सुद्धा सन्मान करण्यात आला. सन्मान कार्यक्रम पार पडल्यानंतर उपविभागीय अधिकारी गणेश राठोड हे मेहकरच्या दिशेने निघाले.

२६ जानेवारीचे ध्वजारोहण करण्याकरिता ते येत असताना जालनाजवळ त्यांचा गाडीला अपघात झाला. मुंबईवरून नागपूरच्या दिशेने जाणारी गाडीने अचानक लेन बदलल्या कारणाने हा अपघात झाल्याचे समजत आहे. या अपघातामध्ये ते किरकोळ जखमी झाले आहेत.