मुंबई : एनसीबी चे झोनल डायरेक्टर समीर वानखेडे यांची बहिण ऍड.यास्मिन वानखेडे यांच्याकडून राज्याचे अल्पसंख्यांक मंत्री आणि राष्ट्रवादीचे नेते नवाब मलिक यांच्या विरोधात फौजदारी मानहानीचा (criminal defamation) खटला दाखल करण्यात आला आहे. यास्मिन वानखेडे यांनी मुंबईतील अंधेरी दंडाधिकारी न्यायालयात हा खटला दाखल केला आहे. लवकरच या खटल्याची सुनावणी होऊ शकते अशी शक्यता आहे. एका पत्रकार परिषदेत नवाब मलिक यांनी यास्मिन वानखेडे यांच्यासंदर्भात केलेल्या विवादास्पद टिप्पणी बद्दल मानहानीचा खटला यास्मिन वानखेडे यांनी दाखल केला आहे.