बीड : परळीकडून भरधाव वेगाने येणाऱ्या स्विफ्ट डिझायर गाडीची, बाभळीच्या झाडाला जोरदार धडक बसून झालेल्या भीषण अपघातात (Accident) 2 जण जागीच ठार झाले आहेत. तर 1 जण गंभीर जखमी झाल्याची दुर्दैवी घटना सायंकाळी तेलगाव (Telgaon) येथे घडली आहे.

हे देखील पहा :

नांदेड (Nanded) जिल्ह्यातील भोकर (Bhokar) येथील तीन तरूण डिझायर गाडीने भोकर येथून बीडला जात असताना, तेलगाव येथे परळी रोडवर असलेल्या बाभळीच्या झाडाला स्विफ्ट डिझायर (Swift Dezire) गाडीची (क्रमांक MH-13 CK 0441) जोरात धडक बसून हा अपघात झाला.

या अपघातात सचिन भोसले, युसूफ शेख हे दोघे ठार झाले आहेत. तर अमोल वाघमारे हा युवक गंभीर जखमी झाला आहे. दरम्यान हा अपघात एवढा भिषण व ह्रदयद्रावक होता की, मयत व जखमींना तेलगाव येथील नागरिकांनी व पोलीस कर्मचारी यांनी जेसीबीच्या (JCB) साहाय्याने बाहेर काढले.

Edited By : Krushnarav Sathe