पराग ढोबळे, साम टीव्ही नागपूर

राज्यात दहीहंडीनंतर आता गणेशोत्सावाची धूम सुरू झालीय. दरम्यान गणेश मंडळांसाठी एक महत्वाचं अपडेट समोर आलंय. पीओपीची मूर्ती स्थापन करणाऱ्या गणेश मंडळांना आता प्रशासनाचा चांगलाच दणका बसणार आहे. त्यांच्यावर कायद्याने कारवाई केली जाणार आहे सोबतच संबंधित पदाधिकाऱ्यांवर देखील कारवाई केली जावी, असे आदेश मुंबई उच्च न्यायालयाच्या नागपूर खंडपीठाने दिले आहेत. आपण खंडपीठाने नेमकं काय म्हटलंय, ते पाहू या.

गणेश मंडळांसाठी महत्वाची बातमी

पीओपीची गणेश मूर्ती स्थापन करणाऱ्या सार्वजनिक मंडळावर कठोर आर्थिक दंडात्मक कारवाईसह शिक्षा देण्याचा अनुषंगाने तरतूद करा, असे आदेश नागपूर खंडपीठाने मनपा आयुक्त आणि पोलीस विभागाला दिलेत. नैसर्गिक जलस्रोतांच्या प्रदूषणावर गंभीर चिंता व्यक्त करत मुंबई उच्च न्यायालयाच्या नागपूर खंडपीठाने हे (Bombay High Court Nagpur Bench) आदेश दिले आहेत.

पीओपीची मूर्ती स्थापन केल्यास

पीओपीच्या मूर्तीची स्थापना करत असेल तर जबाबदार पदाधिकाऱ्यांवर आर्थिक दंड (Nagpur News) लावत, शिक्षा देण्याच्या अनुषंगाने तरतूद करण्याचे आदेशही महानगरपालिका आयुक्तांना, तसेच पोलीस विभागाला न्यायालयाने दिले आहेत. न्यायालयाने सार्वजनिक गणेश मंडळाकडून हमीपत्र घ्यावे, अशीही सूचना केलेली (POP Ganesha Idol) आहे. त्याशिवाय गणेशोत्सव साजरी करण्याची परवानगी देऊ नये, असं न्यायालयाने म्हटलंय. त्यामुळे जर मंडळांनी पीओपीची मूर्ती स्थापन केली तर त्यांना चांगलंच महाद पडणार आहे.

पुणे महापालिकेचा निर्णय

गणेशोत्सवासंदर्भात पुणे महापालिकेने देखील महत्वाचा निर्णय घेतलाय. गणेशोत्सवात जे भाविक गणेश मूर्ती महापालिकेकडे दान करतील, अशा १५ हजार नागरिकांना प्रत्येकी एक सेंद्रिय खताची पिशवी भेट दिली जाणार (Pune Ganeshotsav)आहे. गणेशोत्सवाच्या काळामध्ये गर्दीमुळे कचरा मोठ्या प्रमाणात निर्माण होतो. हा कचरा उचलला न गेल्याने शहर अस्वच्छ होते. गणपती विसर्जनाच्या वेळी निर्माण नागरिकांकडून संकलित केल्या जाणाऱ्या निर्माल्याचे पाषाण तलाव येथील जागेत खत तयार केले जाणार आहे. यांसदर्भात सामाजिक संस्थांशी महापालिका चर्चा करणार असल्याची माहिती मिळतेय.