- विनायक वंजारे

Nitesh Rane On Sanjay Raut : संजय राऊतांनी (sanjay raut) अजून राणेंना ओळखलेले नाही. राऊतांसारखी माणसं चोर बाजारात मिळतात. संजय राऊतांमुळे ठाकरे कुटुंबियांची बदनामी होते. संजय राऊतांनी यापुढे चौकटी राहावं, त्यांनी भाजप नेत्यांवर टीका केली तर मी साेडणार नाही असा सज्जड इशारा भाजप आमदार नितेश राणेंनी (nitesh rane latest news) खासदार राऊतांना दिला. सिंधुदूर्ग येथे माध्यमांशी बाेलताना नितेश राणेंनी राऊतांचा एकेरी उल्लेख करीत त्यांच्यावर टीका केली. (Maharashtra News)

नितेश राणे म्हणाले संजय राऊत यांनी भाजपच्या कोणत्याही नेत्यावर खोटा नाटा आरोप केला खालच्या पातळीवर टीका केल्यास त्यास आता मी प्रत्युत्तर देणार आहे. पक्षाने माझ्यावर ही जबाबदारी साेपवल्याचे राणेंनी नमूद केले.

ते म्हणाले राऊतांनी माझी पहिली पत्रकार परिषद आवर्जून ऐकावी आणि सेव्ह करून ठेवावी. बाळासाहेबांचे ओरिजिनल शिवसैनिक म्हणून आम्ही मोठे झालेलाे आहोत. संजय राऊत सारखा चायनीज मॉडेल आम्ही नाही.

राऊतांची लायकी नाही..

नितेश राणे म्हणाले, "शिंदे-फडणवीसांवर बोलण्याची राऊतांची लायकी नाही. भाजप नेत्यांच्या विरोधात राऊत बोलले तर आम्ही उद्धव ठाकरेंची अनेक गुपितं उघडी करु. ठाकरेंच्या सर्व गोष्टी आम्हाला माहित आहे. राऊतांनी विचार करुन भाजपवर बोलावं,"

39 वर्ष नारायण राणे शिवसेनेत बाळासाहेबांचे अत्यंत जवळचे नेते म्हणून राहिलेले आहेत. तुम्हाला वाटत असेल की ईडी, सीबीआय बीजेपीमध्ये आल्यानंतर सगळ्या कारवाया बंद करते तर तुम्ही पुराव्यांसह इकडे तिकडे मीडियात न जाता कोर्टात जावा आणि तिकडून ऑर्डर आणा असा सल्ला राणेंनी दिला आहे.

Edited By : Siddharth Latkar