विजय पाटील, साम प्रतिनिधी

बारामती आणि राहुरी पोटनिवडणुकांमुळे राजकीय घडामोडींना वेग आला असताना सांगलीमधील राजकीय वातावरण तापण्याची शक्यता आहे. भाजप आमदार गोपीचंद पडळकर यांनी केलेल्या विधानामुळे विरोधकांच्या गोटात खळबळ माजली आहे. पुढील काळात सांगलीमधील नेत्याचा करेक्ट कार्यक्रम करणार असल्याचे सुतोवाच त्यांनी माध्यम प्रतिनिधींशी बोलताना केले आहे.

सांगली जिल्हा परिषदेतल्या पराभवानंतर आमदार गोपीचंद पडळकर यांनी खासदार विशाल पाटील आणि आमदार जयंत पाटलांनी हा इशारा दिला आहे. जतचे अध्यक्षपद ज्यांनी-ज्यांनी घालवल आहे, त्यांचा-त्यांचा कार्यक्रम होणार, हे जाहीरपणे सांगतो,असा इशारा भाजप आमदार गोपीचंद पडळकर यांनी खासदार विशाल पाटील आणि आमदार जयंत पाटलांना दिला आहे. जतचे अध्यक्षपद घालवणे एवढं सोपं नाही

तसेच विशाल पाटील पुढचे खासदार नसणार त्यासाठी आपण जीवाचं रान करू आणि 2029 मध्ये सगळ्यांचा कार्यक्रम करू,असा गर्भित इशारा देखील पडळकर यांनी माध्यामांशी बोलताना दिला आहे. यावेळी त्यांनी सांगली जिल्ह्यात दोन लोकसभा मतदारसंघ होणार असल्याची चर्चांवर भाष्य केले. जिल्ह्यात दोन लोकसभा होणार आहेत, अशा बातम्या ऐकू येत आहेत, तज्ज्ञ सांगत आहेत. त्यासह विधानसभेची सदस्य संख्याही वाढणार आहे.

२०११च्या जनगणनेसह अडीच लाख मतदारांची संख्या होईल. त्यानुसार सांगली जिल्ह्यामध्ये बरेच विधानसभेचे मतदरासंघ वाढतील. सांगलीमधील खासदारकी बोलताना पडळकर म्हणाले पुढील खासदार कोण होईल हे माहिती नाही, पण ज्यांच्यामुळे जतचे अध्यक्षपद गेलंय, त्यांचा कार्यक्रम नक्कीच होणार. लोकसभेसाठी सांगलीमध्ये राखीव असेल तरी विशाल पाटील हे पुढे खासदार म्हणून दिसणार नाहीत. त्यासाठी मी लोकांमध्ये जाईल. लोकांचे काम करेल.

2029 मध्ये सांगली जिल्ह्यात भाजपाचे खासदार झाले पाहिजे. दोन्ही ठिकाणी भाजपचे खासदार झाले पाहिजे,अशी शपथ घ्या,असे आवाहन भाजप आमदार गोपीचंद पडळकर यांनी कार्यकर्त्यांना केले आहे. सांगलीमध्ये पालकमंत्री चंद्रकांत पाटील यांच्या उपस्थितीमध्ये पार पडलेल्या भाजपच्या वर्धापनदिनानिमित्ताने आयोजित मेळाव्यात ते बोलत होते.