संदिप नागरे

Hingoli News:

हिंगोलीमध्ये एक विचित्र अपघाताची घटना समोर आलीये. दोन दुचाकींचा भीषण अपघात झालाय. या अपघातात दोघांचा जागीच मृत्यू झाला आहे. तर दोघे गंभीर जखमी आहेत. हिंगोली नांदेड राष्ट्रीय महामार्गावरील खानापूर पाटी जवळ हा भीषण अपघात झालाय.

सदर अपघात इतका भीषण होता की, दोन्ही दुचाकी भरधाव वेगात एकमेकींसमोर आल्या. जोरदार धडक झाल्याने यातील दोन जणांचा जागीच मृत्यू झालाय. तर अन्य दोन जण जखमी आहेत.

नागपूर - पुणे राष्ट्रीय महा मार्गावर भीषण अपघात

नागपूर ते पुणे या राष्ट्रीय महामार्गावर जिल्ह्यातील राहेरी गावालगत एका ट्रकचा अपघात झालाय. या अपघातात ट्रक चालकाचा जागीच मृत्यू झालाय. आज मकर संक्रातीच्या दिवशी जालनाकडून मेहकरकडे जाणारा ट्रक पलटी होऊन ट्रकचालकाचा जागेवरच मृत्यू झालाय.

हा ट्रक रिकाम्या काचेच्या शीशा घेऊन जात होता. अपघात एवढा मोठा होता की राहेरीजवळ काही अंतरावर एका लहान पुलांच कठड तोडून खाली कोसळला असता लोखंडी कठड्याचा तुकडा ड्रायव्हरच्या पोटात घुसला. यात ड्रायव्हरचा जागेवरच मृत्यू झाला. हरी ओम शर्मा असे मृत चालकाचे नाव असून तो मध्य प्रदेश मधील लटेरी येथील असल्याचे समजले आहे.