पिंपरी विधानसभा निवडणुकीत भाजपला मोठा धक्का बसण्याची शक्यता आहे. भाजपच्या माजी नगरसेवक सीमा साबळे शरद पवारांच्या भेट घेण्यासाठी मोदी बागेत दाखल झाल्या आहेत. सीमा साबळे या आगामी विधानसभा निवडणूक लढवण्यासाठी इच्छुक आहेत. मात्र, ही जागा सध्या अजित पवार गटाकडे असल्यामुळे भाजपकडून त्यांना तिकीटाला नकार मिळाल्याची माहिती आहे. यामुळे सीमा साबळे नाराज झाल्याची चर्चा आहे.

याच नाराजीतून त्यांनी शरद पवार यांची भेट घेतल्याची माहिती आहे. आगामी विधानसभेची निवडणूक राष्ट्रवादीकडून लढवण्यासाठी सीमा साबळे सज्ज झाल्या आहेत. त्यामुळे त्यांना पिंपरीतून विधानसभेचं तिकीट मिळणार का? हे पाहणं महत्वाचं ठरणार आहे. सीमा साबळे यांना जर शरद पवार गटाकडून विधानसभेचं तिकीट मिळालं तर पिंपरीत अण्णा बनसोडे विरुद्ध सीमा साबळे अशी लढत होण्याची शक्यता आहे.