अभिनेत्री दीपाली सय्यद यांनी अनेक लोकांना कोट्यवधी रुपयांचा गंडा घातला आहे. बोगस लग्न लावली आहेत. लग्न झालेल्या जोडप्यांची पुन्हा लग्न लावून सामुदायिक विवाह सोहळा दाखवला आहे असा गंभीर आराेप दीपाली सय्यद यांचे माजी स्वीयसहाय्यक भाऊसाहेब शिंदे यांनी केला आहे.

दीपाली सय्यद यांचे माजी स्वीयसहाय्यक भाऊसाहेब शिंदे सांगली येथे प्रसारमाध्यमाशी बोलत होते. ते म्हणाले दीपाली सय्यद ट्रस्टच्या माध्यमातून कोट्यवधी रुपये हडपण्यात आले आहेत. ट्रस्टच्या खात्यात फक्त नऊ हजार मग कोट्यवधी रुपये आणले कोठून आणि कोणाला दिले असा प्रश्न शिंदेंनी उपस्थित केला आहे.

राज्यपाल भगतसिंह कोश्यारी आणि दीपाली सय्यद यांचे साटेलोटे असून दिपाली सय्यद यांचे दुबई (dubai) आणि पाकिस्तान ही कनेक्शन आहे. राज्यपाल यांना पदावरून लवकर हटवावे आणि आर्थिक गुन्हे शाखेने या ट्रस्टची चौकशी केली नाही तर उपमुख्यमंत्र्यांच्या निवसस्थानासमोर (home) आत्मदहन करण्याचा इशारा भाऊसाहेब शिंदे यांनी दिला आहे.

Edited By : Siddharth Latkar