- शुभम देशमुख

Bhandara Crime News : भंडारा शहरातील राणी लक्ष्मीबाई वार्ड येथे लोखंडी रॉडने वार करत एकाचा मृत्यू तर दोन जखमी झाले. या घटनेतील जखमींवर जिल्हा सामान्य रुग्णालयात उपचार सुरु आहेत. या प्रकरणी पाेलीसांनी संशयितास अटक केली आहे. (Maharashtra News)

पाेलीसांकडून मिळालेल्या माहितीनूसार संशयित अक्षय शाहू व मृतक यांचा घर जवळ जवळ आहे. संशयिताच्या पाच वर्षाच्या मुलाने मृतक शालिकराम शहारे याला चप्पल फेकून मारली. त्यात शालीकराम यांनी त्या मुलाला गालावर थापड मारली.

त्यानंतर अक्षय शाहू आणि शालिकराम शहारे यांच्यात वाद झाला. त्यातूनच शाहूने लोखंडी रॉडने शालिकराम यांच्यावर वार केला. त्यावेळी शालिकराम यांचा मुलागा किशोर, पत्नी या तेथे आल्या. त्यांना देखील शाहूकडून मारहाण झाली.

या घटनेत शालिकराम शहारे यांचा जागीच मृत्यू झाला तसेच किशोर व शालिकराम यांची पत्नी जखमी झाले. या घटनेची माहिती भंडारा शहर पोलिसांना मिळताच त्यांनी घटनास्थळ गाठले. पाेलीसांनी संशयितास अटक केली तर जखमींवर जिल्हा सामान्य रुग्णालयात उपचार सुरू असल्याची माहिती अशोक बागुल (उपविभागीय पोलिस अधिकारी, भंडारा) यांनी साम टीव्हीशी बाेलताना दिली.

Edited By : Siddharth Latkar