भंडारा : शेतातील माल घेऊन जाणारा ट्रॅक्टरला ट्रकने साइड न दिल्याने ट्रॅक्टर सरळ पुलावरुन ३० फुट चुलबन्द नदीत कोसळले. सदर घटना भंडारा (Bhandara) जिल्ह्याच्या लाखांदुर येथे पवनी- लाखांदुर मार्गावरिल शिवमंदीर जवळील (Accident) पुलावर घडली. यात ट्रॅक्टरवरील एक जागीच ठार तर दोघे गंभीर जखमी झाले आहे. (Breaking Marathi News)

लाखांदुर येथील शेतकरी राष्ट्रपाल ठाकरे यांनी आपल्या शेतातील कडधान्य बाजार समिती येथे नेण्याकरिता ट्रॅक्टरमध्ये भरून सहकारी अन्ना पारधी व राध्येश्याम ढोरे यांच्यासोबत ट्रॅक्टरवर निघाले. लाखांदुर- पवनी मार्गावरील चुलबन्द नदीवरील पुलावरुन समोर येणारा भरधाव ट्रकने साइड न दिल्याने ट्रॅक्टर अपघात होण्यापासून वाचविणाच्या नादात ट्रैक्टर सरळ ३० फुट पुलावरुन आदळला.

ट्रॅक्‍टरवर बसलेला अण्णा पारधी (वय ५०) यांच्या जागीच मृत्यु झाला. तर राष्ट्रपाल ठाकरे (वय ५०) यांच्या पाय मोडला असून राध्येश्याम ढोरे (वय ४४) हेही गंभीर जखमी झाले. अपघात होताच लोकांनी एकच धाव घटनास्थळी घेतली. ट्रॅक्टरमध्ये फसलेल्या लोकांना बाहेर काढत लाखांदूर ग्रामीण रुग्णालयात हलविण्यात आले. जखमींवर उपचार सुरु आहे. घटनेची माहिती मिळताच लाखांदूर पोलिस घटनास्‍थळी दाखल झाली असून पंचनामा सुरु करण्यात आला आहे.