भंडारा : भंडारा जिल्‍ह्याच्या तुमसर शहरातील इंदिरानगरातील शिव मंदिरात नंदी दूध पीत असल्याची (Bhandara) अफवा पसरली. यानंतर नागरिकांनी दूध (Milk) पाजण्याकरिता मंदिरात तुफान गर्दी केली होती. (Live Marathi News)

श्रावण अधिका मास सुरु होत असल्याने मोठ्या प्रमाणात शिवभक्तांचा ओढा शिव मंदिरात पूजेसाठी पाहायला मिळत आहे. शिव मंदिरात पूजेकरिता आलेल्या एका भाविकाने शिव लिंगावार दूध टाकले. त्यानंतर नंदीला देखील दूध पाजण्याचा प्रयत्न केला. यावेळी नंदीने दूध पिल्‍याचे जाणवले. यानंतर ही अफवा तुमसर शहरात लागलीच पोहचली.

यानंतर परिसरातील नागरिकांनी मंदिरात मोठी गर्दी करत नंदीला (Lord Shiva Temple) चमच्याने दूध पाजायला सुरवात केली. तर काही लोकांच्या मते नंदी हा फक्त चमच्यानेच का दूध पेतो ग्लासने का पेत नाही? अशी अफवा देखील पसरू लागली. तर काही भाविक श्रद्धेपोटी नंदीला दूध पाजू लागले. त्यामुळे ही श्रद्धा की अंधश्रद्धा असा समज नागरिकांमध्ये पसरू लागला आहे.