शुभम देशमुख 

भंडारा : भंडारा जिल्ह्यात काळ सायंकाळपासून दमदार पाऊस झाला आहे. यामुळे भंडारा (Bhandara) जिल्ह्यात वैनगंगा नदीचा जलसाठ्यात वाढ झाल्याने गोसीखुर्द धरणाचे सर्व दरवाजे उघडण्यात आले (Gosekhurd Dam) असल्याने साधारण २ लाख ९१ हजार ५०५ क्युसेक पाण्याचा विसर्ग केला जात आहे. (Latest Marathi News)

मागील काही दिवसांपासून भंडारा जिल्ह्यात दमदार पावसाची प्रतीक्षा लागून होती. परंतु कालपासून जिल्यातील अनेक भागात दमदार पावसाची हजेरी (Heavy Rain) लागली आहे. यामुळे बहुतांश नदी- नाल्यांना पाणी आले आहे. यात  भंडारा जिल्ह्यात पावसाने काल दुपारपासून दमदार हजेरी लावल्याने गोसेखुर्द धरणाच्या पाणलोट क्षेत्रात धरणाच्या पाणी पातळीत वाढ झाली आहे. यामुळे सकाळीच धरणाचे काही दरवाजे उघळण्यात आले होते. 

गावांना सर्तकतेचा इशारा  
गोसेखुर्द धरणाच्या पाणी पातळीत वाढ झाली असून दुपारी धरणाचे ३३ पैकी ३३ दरवाजे उघडले आहेत. यात ९ दरवाजे दीड मीटरने तर २४ दरवाजे एक मीटरने उघडले आहेत. यातून २ लाख ९१ हजार ५०५ क्यूसेक वेगाने पाण्याचा विसर्ग सुरू करण्यात आला असून नदीकाठावर आवगमन करणाऱ्या नागरिकांनी तसेच नदी काठावर वसलेल्या गावकऱ्यांना सतर्कतेचा इशारा जिल्हा प्रशासनाने दिला आहे. यंदा चौथ्यांदा गोसे खुर्द धरणाचे सर्व 33 दरवाजे उघडण्यात आली आहेत.