भंडारा -जबलपुर मार्ग चिखली गावाजवळ खड्डेमय झाला असून ह्या मार्गावरुन होणाऱ्या ओव्हरलोड वाहतूकीमुळे जीवघेणे खड्डे तयार झाले आहेत. त्यामुळे एका मोठ्या अपघातास कारणीभूत ठरली आहे. भंडारा जिल्ह्यातून मध्यप्रदेशला जोडणारा हा राष्ट्रीय महामार्ग आहे. शिवनी - जबलपूर या ठिकाणी येथून वाहतूक होते. (Bhandara-Jabalpur road near Chikhali village became pits)

हे देखील पहा -

दोन वर्षांपूर्वीच हा रस्ता तयार करण्यात आलेला होता. मात्र या पावसामुळे रस्त्याची अक्षरशः चाळण झाली आहे. जागोजागी खड्डे पडले आहेत, त्यामुळे खड्ड्यात रस्ता आहे की रस्ता खड्ड्यात हे कळेनासे झाले आहे. भविष्यात याच रस्त्यावर मोठी दुर्घटना होण्याची भीती व्यक्त केली जात आहे. त्यामुळे सार्वजनिक बांधकाम विभागाने या रस्त्याची दुरुस्ती लवकरात लवकर करावी अशी मागणी होत आहे.

Edited By - Akshay Baisane