भंडारा : ग्रामीण रुग्णालय पवनी येथून उपचार घेऊन घरी परततांना गिट्टी भरून जाणाऱ्या टिप्परने एका वृद्धाला (Accident) जबर धडक दिली. यात वृद्धाच्‍या अंगावरून डंपर गेल्‍याने यात त्‍यांचा जागीच मृत्‍यू झाला. (Breaking Marathi News)

पवनी येथील ग्रामीण रूग्‍णालयात उपचारासाठी गेलेले लहू लहानुजी वैद्य (वय ८२, रा. बस्तारवारी वॉर्ड) असे मृत वृद्धाचे नाव आहे. उपचार घेवून लहू वैद्य हे घरी जात होते. या दरम्‍यान निलजकडून वैनगंगा नदीकडे जाणाऱ्या महामार्गावर लहू लहानुजी वैद्य रस्ता ओलांडत होते. यावेळी टिप्परने जोरदार धडक दिल्याने लहू वैद्यचा जागीच मृत्यू झाला.

दरम्यान लाखांदूरचे पोलीस निरीक्षक रमाकांत कोकाटे पवनीला येत असतांना मृतक रस्त्यावर पडला असल्याचे दिसले. लगेच त्यांनी पवनी पोलिसांना पाचारण करून कारवाई सुरू केली. पळून गेलेल्या टिप्परचा पाठलाग करून पोलीसांना टिप्परला पकडण्यात यश आले.