बीड - भाजपचे केंद्रीय मंत्री भागवत कराड Bhagwat Karad यांची जन आशीर्वाद यात्रा आज परळी येथील गोपीनाथ गडावरुन निघाली आहे. लोकनेते दिवंगत गोपीनाथराव मुंडे यांच्या समाधीस्थळाचे दर्शन घेऊन, भागवत कराड यांनी या जनआशीर्वाद यात्रेला सुरुवात केली आहे. यावेळी भाजप नेत्या पंकजा मुंडे Pankaja Munde यांनी, या जन आशीर्वाद यात्रेला भाजपचा झेंडा दाखवून प्रारंभ केला आहे. यावेळी खासदार प्रीतम मुंडे Pritam Munde देखील उपस्थित होत्या.

हे देखील पहा -

दरम्यान ही जन आशीर्वाद यात्रा गोपीनाथ मुंडे यांच्या समाधीस्थळाचे दर्शन घेऊन, केंद्राच्या योजना सर्वसामान्य नागरिकांपर्यंत पोहोचविण्यासाठी काढण्यात आली आहे अशी माहिती यावेळी केंद्रीय मंत्री भागवत कराड यांनी दिली.

दरम्यान यावेळी मुंडे समर्थकांनी कराड हे गोपीनाथ गडावर दाखल होताच तीव्र घोषणाबाजीला सुरुवात केली. पंकजा मुंडे अंगार है बाकी सब भंगार है, अमर रहे अमर रहे गोपीनाथ मुंडे अमर रहे. यासह अनेक तुफान घोषणा याठिकाणी देण्यात आल्या.

तर यावेळी घोषणाबाजी वरून, पंकजा मुंडे प्रचंड संतप्त झाल्या होत्या, त्यांनी कार्यकर्त्यांना देखील झापलं. चुकीच्या घोषणा देणाऱ्यांना मी बोलणार नाही, भेटणार नाही, चांगल्या घोषणा द्या, भंगार अंगार या काय घोषणा देतायत, हे संस्कार आहेत का आपले, अस म्हणत संतापलेल्या पंकजा मुंडेंनी कार्यकर्त्यांना झापले.

Edited By - Shivani Tichkule