Bengaluru News: ब्रिटनमधील एका सॉफ्टवेअर अभियंत्यासोबत फसवणूकीची एक मोठी घटना समोर आली आहे. एका महिलेने लग्नाचे वचन देत तरुणाकडून १.१ कोटी रुपयांहून अधिक पैसे उकळलेत. एका विवाह नोंदणी साईटवर या तरुणाने आपले नाव नोंदवले होते. येथून तरुणीने त्याला विवस्त्र होत व्हिडिओ कॉल केला आणि त्याच्याकडून पैसे उकळले आहेत. (Latest Crime News)

मिळालेल्या अधिक माहितीनुसार, व्हाईटफिल्ड सीईएन गुन्हे पोलिसांना महिलेच्या खात्यामधील ८४ लाख रुपये परत मिळवले आहेत. फसवणूक झालेला व्यक्ती ४१ वर्षीय असून तो केअर पुरमचा रहिवासी आहे. कामामधील प्रशिक्षणासाठी तो बेंगळुरूला आला होता.

या व्यक्तीला लग्न करायचे होते त्यामुळे त्याने लग्नाच्या वेबसाइटवर नोंदणी केली होती. बनावट प्रोफाइल असलेल्या एका महिलेने साइटवर त्याच्याशी मैत्री केली. काही दिवस मेसेजवर दोघांचं बोलणं झालं. त्यानंतर दोघांनी त्यांचे मोबाईल नंबर एकमेकांना शेअर केले.

महिलेने या व्यक्तीशी लग्न करण्यास सहमती दाखवली. तसेच माझ्या वडलांचे निधन झाले असून मी आईसोबत राहते असं या तरुणीने सांगितलं होतं. २ जुलै रोजी, तरुणीने त्याला कॉल केला होता. माझी आई आजारी असून तिच्या औषधासाठी पैसे हवे आहेत असं तिने त्या व्यक्तीला सांगितलं.

आईच्या उपचारासाठी फसवणूक झालेल्या व्यक्तीने तरुणीला तात्काळ १,५०० रुपये दिले. ४ जुलै रोजी दुपारी १२ च्या सुमारास तिने त्याला व्हिडिओ कॉल केला. यावेळी कॉलवर बोलताना तिने स्वत:चे कपडे काढले आणि नकळ तो कॉल रेकॉर्ड केला.

नंतर तिने ही क्लिप त्याला पाठवली. इतकेच नाही तर तरुणीने तरुणाच्या पालकांसोबत देखील ही व्हिडिओ शेअर करण्याची धमकी दिली. या बदल्यात आपल्या बँक खात्यांमध्ये १,१४,००,००० रुपये ट्रान्सफर करण्यास सांगितले. आपली फसवणूक झाल्याचे लक्षात येताच तरुणाने पोलीस ठाण्यात धाव घेतली.