बीडमध्ये सध्या गुन्हेगाराच्या घटनांमध्ये वाढ होत असल्याचं चित्र आहे. अशातच बीडमधून माणुसकीला काळिमा फासणारी घटना समोर आली आहे. लग्नाची भूलथाप देत तरूणीवर वारंवार लैंगिक अत्याचार करण्यात आल्याची घटना समोर आली आहे. तरूणीची वैद्यकीय तपासणी केली असता पीडित तरूणी गर्भवती असल्याचं समोर आलं. या प्रकरणी आरोपीविरोधात गुन्हा दाखल करण्यात आला असून, पोलिसांकडून पुढील तपास सुरू आहे.

बीडच्या माजलगावातून ही संतापजनक घटना समोर आली आहे. ही घटना मे महिन्यात उघडकीस आली. वीस वर्षीय तरूणीची आरोपी सुनील अलजेंडेसोबत मैत्री झाली होती. दोघांमध्ये वारंवार संवाद होत होता. मैत्रीचं रूपांतर प्रेमात झालं. नंतर आरोपीने तिचं विश्वास संपादन करीत आपल्या जाळ्यात ओढलं. लग्नाचे आमिष दाखवून त्याने तिच्यासोबत शारीरिक संबंध ठेवला.

सुरूवातीला लग्नाचे आश्वासन दिल्यानं तरूणीने लग्न करण्यास नकार दिला. मात्र जेव्हा तरूणीने विचारण्यास सुरूवात केली, तेव्हा आरोपीने लग्न करण्यास नकार दिला. मे महिन्यात तरूणीला अस्वस्थ वाटू लागलं. पीडितेच्या वारंवार पोटात दुखू लागलं होतं. पोटात दुखू लागल्यामुळे पीडितेच्या कुटुंबाने तिला दवाखान्यात नेले.

खासगी रूग्णालयात तपासणीसाठी नेले असता डॉक्टरांनी पीडित तरूणी गर्भवती असल्याचं सांगितलं. ती सुमारे ५ महिन्यांची गर्भवती असल्याचं समोर आलं आहे. हे एकून कुटुंबाने लगेच याबद्दल माहिती दिली. नंतर तातडीने त्यांनी पोलीस ठाण्यात धाव घेतली. कुटुंबाने दाखल केलेल्या तक्रारीनुसार, आरोपी सुनीलच्या विरोधात माजलगाव शहर पोलीस ठाण्यात गुन्हा दाखल करण्यात आला.

आरोपी सुनिलने पीडितेवर वारंवार लैंगिक अत्याचार केलं असल्याचं पोलीस तपासातून समोर आलं आहे. या प्रकरणी पोलीस अधिक तपास करीत आहेत. या घटनेची माहिती गावात वाऱ्यासारखी पसरताच आरोपीविरोधात रोष व्यक्त केला जात आहे.