बीड: हैदराबाद - हडपसर रेल्वे गाडीमध्ये रात्री विद्यार्थिनीची छेड काढत विनयभंग केल्याची घटना उदगीर -लातूर दरम्यान घडली आहे. विद्यार्थिनीच्या तक्रारीवरून मुंबई येथील एनसीबीचा अधीक्षक असलेल्या दिनेश अंकुश चव्हाण या अधिकाऱ्याला अटक करण्यात आली आहे. त्याला परळी रेल्वे पोलिसांनी ताब्यात घेतले असून या प्रकरणी आरोपीविरुद्ध परळी येथील जीआरपी पोलीस ठाण्यात भादंवि कलम ३५४, ५०९ अन्वये गुन्हा दाखल करण्याची आला आहे.

हे देखील पहा -

गुरुवारी रात्री हैदराबाद- हडपसर या रेल्वेने एनसीबीचा एक अधिकारी व एक विद्यार्थिनी प्रवास करीत असताना, त्या अधिकाऱ्याने विद्यार्थिनीची छेड काढली. त्यानुसार विद्यार्थिनीने रेल्वे पोलिसाकडे तक्रार दाखल केली आहे. त्यावरून आरोपीस परळी रेल्वेच्या जीआरपी पोलिसांनी ताब्यात घेतले. हा प्रकार लातूर रोड दरम्यान घडला आहे. दरम्यान अटक करण्यात आलेल्या दिनेश चव्हाण याला, औरंगाबाद न्यायालयात हजर करण्यात पोलीस घेऊन गेले आहेत. त्यामुळं आता कोर्टात काय होणार याकडे सर्वांचे लक्ष लागले आहे.

Edited By - Shivani Tichkule